Ижкар+18 °C
24 гудырикошкон 2019 Кӧснунал
16+

Даслэсь трос площадкаос, вожвылъяськонъёс, парад но концерт: Ижкарын Гербер шулдыръяськон ортчиз

  • 332
  • 0
Ижкар / Удмуртия
Даслэсь трос площадкаос, вожвылъяськонъёс, парад но концерт: Ижкарын Гербер шулдыръяськон ортчиз
Туспуктэм: Майя Бывальцева

12-тӥ инвожое, Россилэн нуналаз но Ижкарлэн нуналаз, Удмуртилэн шоркарысьтыз Кызьпу арамаын удмурт «Гербер» шулдыръяськон ортчиз. Туэ котькулэсь трос адями люкаськиз кадь.

Шулдыръяськонлэн сценаристэз но режиссёрез Удмурт кун филармониысь эстрадая «Шулдыр ӝыт» ансамбльлэн чеберлыкъя кивалтӥсез Наталья Ушакова луиз. Ужрадлэн пуштросэз пӧртэм ужрадъёсын узыргес вал: пӧртэм ужъюртъёслэн но мер огазеяськонъёслэн площадкаоссы ужазы, пиналъёслы но бадӟымъёслы пӧртэм вожвылъяськонъёс, мастер-классъёс радъяськизы, самодеятельной но ӧнерлыко коллективъёс тужгес шулдыр номеръёссэс возьматӥзы. Туэ нырысьсэ карысь ёросъёслэн делегациоссылэн парадзы ортчиз. Вань мылкыд карисьёс вӧсям ӝукен куноятӥськыны быгатӥзы.

Люкаськем калыкез Россилэн но Ижкарлэн нуналэнызы, Гербер шулдыръяськонэн ӟечкылазы но ӟеч сӥзёнъёс веразы Ижкарлэн тӧроез Олег Бекмеметьев, Кар думалэн тӧроез Олег Гарин, Индустри ёрослэн кивалтӥсез Любовь Зайцева, «Удмурт Кенеш» огазеяськонлэн тӧроез, Кун Кенешысь ялан ужась ӧрилэн кивалтӥсез Татьяна Ишматова. 

«Гербер 2019» шулдыръяськон Ижкарын

27 фото

Наши партнеры

Наверх
Вниз