Ижкар+7 °C
14 коньывуон 2019 Вордӥськон
16+

«Зарни Маска» Россиысь каръёсын» фестиваль нырысьсэ ортчоз Удмуртиын

  • 3053
  • 0
Ижкар / Удмуртия
«Зарни Маска» Россиысь каръёсын» фестиваль нырысьсэ ортчоз Удмуртиын
Туспуктэм: Башкирский академический театр драмы им. Мажита Гафури (Роман Шумнов)

2019-тӥ арын шуркынмонэ нырысьсэ Удмуртиын «Зарни Маска» Россиысь каръёсын» («Золотая Маска» в городах России») фестиваль ортчоз. Со сярысь элькунысь Калыкъёслэн эшъяськон юртсылэн пресс-службаез ивортэ.

«Зарни Маска» Россиысь каръёсын» фестиваль – «Зарни Маска» («Золотая Маска») йӧскалык театр премилэн одӥгез валтӥсез ӵектосэз. Со улосвылъёсысь театрез гажасьёслы пӧртэм режиссёръёслэн но артистъёслэн ужъёсынызы тодматскыны луонлык сётэ

Удмуртиын фестивале премилэн номинантэз но лауреатэз луэм спектакльёс пыриськозы. Ижкарысь учкисьёс берло аръёсысь тужгес яркыт премьераосты адӟыны быгатозы. Возьматонъёс Драмая ӟуч театрын но Удмуртиысь мунё театрын радъяськозы. Афишаын бадӟым но пичи формаен, крезьгуро, йӧскалык, экспертиментальной спектакльёс.

Лулчеберетъя бадӟым ужрадлэн люкетэз Драмая Мажит Гафури нимо башкир театрлэн но ужез луоз. Уфаысь актёръёс но режиссёръёс Удмуртилэн шоркараз Гузель Яхиналэн «Зулейха открывает глаза» романэзъя пуктэм спектакльзэс ваёзы (16+). 2019-тӥ арын со «Зарни Маскалэн» куать номинацияз пыриськиз но фестивальлэн жюриезлэсь нимысьтыз премизэ басьтӥз. Коллективизаци вакытысь ужрадъёс сярысь драма экспериментальной амалэн пуктэмын – декорациос но сюжетэз со вакытъёсысь ултӥянэз но кышканэз шӧдыто.

Озьы ик фестивальын Карелиысь крезьгуро театр, Омскысь драмая академ театр, Москваысь «Мастерская П. Фоменко» театр но мукетъёсыз спектакльёссэс возьматозы. 

Тодэ вайытом, 2019-тӥ арын сӥзьыл Удмуртиысь куинь театръёс «Большие гастроли» огъяросси программае пыриськозы.

Наши партнеры

Наверх
Вниз