Ижкар-2 °C
6 толсур 2019 Удмуртарня
16+

Финн-угор дуннелэн шоркарез 2020-тӥ арын Башкириысь пор гурт луоз

  • 510
  • 0
Шоруньжа / Россия
Финн-угор дуннелэн шоркарез 2020-тӥ арын Башкириысь пор гурт луоз
Туспуктэм: Кристина Берестова

2020-тӥ арын Финн-угор дуннелэн лулчеберетъя шоркарез Башкортостанысь Мишкино пор гурт луоз. Со сярысь та нимез 2019-тӥ арын нуллӥсь Марий Элысь Шоруньжа черкогуртын сюан йылолъёсъя «Сӱан пайрем» калыккуспо фестиваль-вожвылъяськонын туннэ, 14-тӥ инвожое, ялӥзы, вераз ивортодэтъя «Удмуртия» агентстволэн корреспондентэз Кристина Берестова.

Вуоно арын Финн-угор дуннелэн шоркарез луон понна вожвылъяськонэ Эстониысь Виру-Нигула волость но Кихну шормуӵ, Россиысь Башкортостанысь Мишкино гурт пыриськизы.

Конкурслэн йылпумъян люкетаз кандидатъёсты Удмуртилэн, Эстонилэн, Финляндилэн но Марий Эллэн ыстэм муртъёсты дунъязы. Вормись улон интылэсь нимзэ Шаркан ёросысь Удмурт лулчеберетъя «Быгы» центрлэн кивалтӥсез Жанна Ермолаева ялӥз. Нялтас вераса, ӵапак Быгы 2014-тӥ арын нырысьсэ Финн-угор дуннелэн шоркарез луиз.

Кызьы вераз Эстонилэсь жюрилэн ёзчиез, Финн-угор егитъёслэн ассоциацизылэн (МАФУН) тӧроез Кяби Суви, вормисез быръён кема мынӥз но капчи ӧй вал, угось выжы калыклэн шоркарез луон мылкыдзы эстонъёслэн но, Мишкиноын улӥсьёслэн но туж бадӟым вал. 2020-тӥ арын Эстониын Финн-угор калыкъёслэн дунневыл конгрессы ортчоз, соин ик туж умой кадь, Финн-угор дуннелэн шоркар отын луысал ке, но Мишкиноын туж «меӵ» адямиос, шуиз Кяби Суви.

Мишкино - туж умой учыр, кудӥз возьматэ шоркар финн-угор улосвылысь гинэ луыны уг быгаты шуыса, малы ке шуоно Башкортостан финн-угор улосвылъёс пӧлы уг пыры, отын поръёслэн диаспоразы гинэ вань. Со туж умой, отын но луыны быгатэ шуыса, фин-угор улосвылъёсын гинэ кулэ ӧвӧл. Отын трос ужрадъёс малпазы ни. Эшшо гуртлы 300 ар тырме, соин ик соослы Финн-угор дуннелэн шоркарез луон туж кулэ
Кяби Суви, Финн-угор дуннелэсь шоркарзэ быръёнъя жюрилэн ёзчиез

Мишкино понна туж шумпотӥськомы, угось 71 процентэз отын улӥсьёс – поръёс, вераз журналистъёслы Марий Элысь лулчеберетъя, печатья но йӧскалык ужъёсъя министр Константин Иванов но кулэ каризы ке, юрттыны но дась шуыса ватсаз.

Ми валаськомы, та мер ужрад, ним но мер. Но, мон малпасько, кун ёзэсъёс дурбасьтыны но юрттыны кулэ. Ми лулчеберетъя шоркар нимез Драмая Шкетан нимо кун йӧскалык театрын басьтӥмы, со туж бадӟым ужрад вал. Озьы ик чебер Мишкиноын но ортчытомы шуыса оскисько
Константин Иванов, Марий Элысь лулчеберетъя, печатья но йӧскалык ужъёсъя министр

Министр верамъя, Марий Элысь Шоруньжаын котьку туж трос ужрадъёс ортчытъясько. Сюан йылолъёсъя фестиваль – элькунлэн но финн-угор дуннелэн лулчеберет улоназ одӥгез тужгес яркытэз ужрад. 2019-тӥ арын Финн-угор дуннелэн шоркарез луоз черкогуртэ тросгес коньдон кыскыны луонлык сётӥз, шуэ Константин Иванов. Но юрттэт та арен уз йылпумъяськы. Матысь дыре Шоруньжаын выль лулчеберет юрт пуктыны малпало на.

Ватсалом, сюан йылолъёсъя «Сӱан пайрем» фестиваль вожвылъяськонэ Кез ёросысь лулчеберетъя юртысь «Мертчан» ансамбль.

«Мертчан» ансамбль
Кез ёросысь «Мертчан» ансамбль «Сӱан пайрем» фестивальын Фото: Кристина Берестова © udmurt.media

Пусъём, «Финн-угор дуннелэн лулчеберетъя шоркарез» нимез туннэ нуналозь куать каръёслы но гуртъёслы сётэмын вал: Удмуртиысь Быгы гуртлы (2014), Эстониысь Обиница гуртлы (2015), Венгриысь Искасентдьёрдь гуртлы но Веспрмем карлы (2016), Карелиысь Вокнаволок гуртлы (2017), Марий Элысь Шоруньжа (2019).

Наши партнеры

Наверх
Вниз