Ижкар+18 °C
24 гудырикошкон 2019 Кӧснунал
16+

Туала удмурт лулчеберетлы сӥзем нунал ортчоз «Усьтэм кар» фестиваль улсын Ижкарын

  • 194
  • 0
Ижкар / Удмуртия
Туала удмурт лулчеберетлы сӥзем нунал ортчоз «Усьтэм кар» фестиваль улсын Ижкарын
Туспуктэм: Григорий Фомин

Туала лулчеберетъя «Усьтэм кар» («Открытый город») IX фестиваль улсын 19-тӥ инвожое Ижкарын Туала драматургияя но режиссурая центрын (Милиционной, 4) удмурт лулчеберетлы сӥзем нунал ортчоз.

18 часын удмурт кылбурчиос ас чуръёссэс лыдӟозы. Кызьы вераз ивортодэтъя «Удмуртия» агентстволы егит кылбурчи Анастасия Шумилова, пыриськисьёс пӧлын со ачиз, Дмитрий Волков но Анастасия Фомина луозы. Озьы ик мукетъёсыз итӥськыны быгатозы на.

Собере Ижкарын улӥсь туала удмурт нылъёсын пумиськонын туж тунсыко вераськон ӝутыны малпало.

Куд-огез вера, удмурт кышномуртъёслэн ведӥн кужымзы вань шуыса. Тодом-вераськом: со миф яке ӧвӧл. (Пыриськозы – ред.) егит анайёс, оломаин но тунсыкъяськись, олокытчы но вутскись (нылмуртъёс – ред.)
Анастасия Шумилова, кылбурчи

Соку ик Центрын Чудья Жени суредасьлэн ужъёсыныз тодматскыны луоз. «Post-dukes. Дайджест» адӟытонын солэн пӧртэм дыре лэсьтэм суредъёсыз люкамын.

19 часын «Юмок но эшъёс» концерт кутскоз. Отчы «Юмок» театр-студие ветлӥсьёс но егит крезьгурасьёс пыриськозы.

Ужанрадлыкын удмурт мода адӟытон, йӧскалык боди-арт, театр миниатюраос, удмурт литератураысь монологъёс, кырӟанъёс. Шудозы но шулдыртозы: «Юмок» театрысь артистъёс: Вадим Крестьянинов, Карина Шарипова, Никита Соприн, Мария Иконникова, Дмитрий Чернов, Софья Чузова, Алексей Степанов но мукетъёсыз. Озьы ик Shoozymade, Пуро Дима, Маша Даниц, Анастасия Иванова, Катерина Кенjали & Никита Демидов (АBRA), Туръялыс, Ульяна Климкина но Ксения Вахрушева.

Ужрадъёсы пыронэз эркын.

Ватсалом, «Усьтэм кар» фестиваль Ижкарын 9-23 инвожоез ортчоз, ужрадъёс куинь интыын радъясько: Усьтэм садын (Открытый сад), Суредан устолыкъя элькун музейлэн парказ но Туала драматургияя но режиссурая центрын.

Тодэ вайытом, 2017-тӥ арын «Усьтэм кар» фестиваль улсын Ижкарын удмурт егитъёслэн лулчеберетъя «Тысь» фестивальзы ортчиз.

Егитъёслэн лулчеберетъя «Тысь!» фестивальзы Ижкарын


Наши партнеры

Наверх
Вниз