Ижкар-9 °C
6 -тӥ южтолэзь 2021 Кӧснунал
18+

Школаез йылпумъясьёслы туспуктэмъёсын удмурт альбом лэсьтӥзы Татарстанысь Кукмор ёросын

  • 711
  • 0
Кукмор / Россия
Школаез йылпумъясьёслы туспуктэмъёсын удмурт альбом лэсьтӥзы Татарстанысь Кукмор ёросын
Туспуктэм: vk.com (Эдуард Иванов)

Татарстанысь Кукмор ёросысь Улын гуртысь школаез йылпумъясь пиналъёслы туспуктэмъёсын удмурт шӧмо альбом лэсьтӥзы. Со сярысь ивортодэтъя «Удмуртия» агентстволэн корреспондентэзлы альбом лэсьтыны кичӧлтӥсь, туспуктӥсь Эдуард Иванов вераз.

Мон кемалась ик удмурт лулчеберетмес азинтон бордын ужасько, кырӟан гожъясько «ЭКНЭ» группаенымы, кылбур гожъясько, собере туспуктэм лэсьтӥсько. <…> И собере мон малпай, кызьы ке но мукет сяменгес кулэ асьме лулчеберетмес азьланьтыны, разбавить шуод-а, мар-а. Соку йыре сыӵе малпан шуккиз: таӵе альбом лэсьтыны
Эдуард Иванов, туспуктӥсь

Туспуктӥсьлэн верамезъя, малпанэныз со аслаз вордӥськем Улын гуртысьтыз школае вамыштӥз. Пиналъёс ӵектонэзлы пумит ӧз луэ, соослы тунсыко потӥз. Альбомысь вань туспуктэмъёсты Эдуард Иванов ачиз лэсьтӥз.

Школае ветлӥ, отын фотографировать кари. Альбомлэн идеяез, оформлениез – ас понназ со пӧрмиз. <…> Ваньзэ, мае ти адӟиськоды, со мынам уже, кызьы быгатӥ, озьы ик мон лэсьтӥ
Эдуард Иванов, туспуктӥсь

Туспуктэмъёсын альбом

3 фото

Альбом пиналъёслы но, анай-атайёссылы но, дышетӥсьёссылы но туж яраз.

Анай-атайёссы мыным гожъяло одӥген-одӥген. Одӥгез тани гожтӥз тон, пе, туж тунсыко идея малпад, кемалась таӵе шумпотонмы милям ӧй вал
Эдуард Иванов, туспуктӥсь

Тодэ вайытом, Удмуртиысь Кузебай Герд нимо йӧскалык музей туэ 15-тӥ куарусёнозь ӧнерлыко туспуктӥсьёсты но та ужен тунсыкъяськисьёсты «Котьку мед луоз анай!» («Пусть всегда будет мама!») вожвылъяськонэ пыриськыны ӧте.



Наверх
Вниз