Ижкар+18 °C
24 гудырикошкон 2019 Кӧснунал
16+

«Тыло толэзь» нылашез быръёзы Удмуртиын

  • 1095
  • 0
Глазкар / Удмуртия
«Тыло толэзь» нылашез быръёзы Удмуртиын
Туспуктэм: vk.com (Ольга Боталова)

17-тӥ гудырикошконэ Глаз ёросысь Адам гурт дорысь «ДондыДор» паркын нылкышнолэн йӧслык чеберлыкезъя «Тыло толэзь» вожвылъяськон ортчоз. Со сярысь ивортодэтъя «Удмуртия» агентстволэн корреспондентэзлы ужрадлэн огез радъясез, Глаз ёросысь лулчеберетъя но туризмъя центрысь калык сямъёсты но йӧскалык лулчеберетэз улӟытонъя валтӥсь методист Ольга Боталова вераз.

«Тыло толэзь» вожвылъяськон туэ куинетӥзэ ортчоз ини. Кылем арын отчы 12 нылашъёс пыриськизы: Удмуртиысь Глаз, Эгра ёросъёсысь, Глазкарысь но Татарстанысь.

Таяз аре витиськомы тросгес. Лыдзыя, оло, сомында ик уз луэ. Но витиськомы мукет улосвылъёсысь. Тани Пермьысь Кудымкарысь коми-пермякъёсты витиськомы, бигеръёсты Татариысь витиськомы. Озьы ик луозы милям нылашъёсмы, Удмуртиысь
Ольга Боталова, вожвылъяськонэз огез радъясь

Ужрадэ 18 аресысен 35 аресозь нылкышноос пыриськыны быгато. Вожвылъяськонын «Абдрато» эскеронын асэнызы тодматозы, «Вӧл-вӧл» эскеронын йӧскалык шӧмо пыласькон дӥсен ветлозы но «Ури-бери» эскеронын кыӵе ке техникаен ветлыны быгатэмзэс возьматозы. Кылсярысь, кылем арын вожвылъяськонэ пыриськисьёс квадроциклъёсын ворттылӥзы. Кыӵе транспортэ нылашъёсты пуктозы, радъясьёс уг на шараяло. Котьма ке но, вожвылъяськонэ пыриськисьёс понна со нокыӵе кышкытлык уг вайы.

Ми соос борды пуктӥськомы инструкторез. Соин ик кышкыт ӧвӧл
Ольга Боталова, вожвылъяськонэз огез радъясь
 

Радъясьлэн кылъёсызъя, та вожвылъяськонэз соос йӧскалык шӧмо, но туала, тунсыко карыны тыршо. Соин ик вань люкетъёсаз кыӵе ке аспӧртэм, калыклэсь мылкыдзэ бугыртӥсь амалъёс пырто. Ужрадэ котькыӵе йӧслыкысь потэм нылъёс пыриськыны быгато, но удмурт кылэз тодэмзы вылӥ дунъяське.

«Тыло толэзь» ним понна вожвылъяськонэ пыриськыны куриськонъёсты 17-тӥ пӧсьтолэзёзь кутозы. Куронъёсын татын тодматскыны луоз. 

Пусъём, вожвылъяськон «Тыло толэзь» элькун этно-арт фестиваль улсын ортчоз. Со улсын 12 часысен быдэс нунал ӵоже нылпиослы пӧртэм площадкаос ужалозы, мастер-классъёс ортчозы. Со сяна, туэ нырысьсэ йӧскалык пӧрамъёсъя конкурс радъяськоз.

Нырысьсэ милям ортче конкурс этнического блюда, кытчы пыриськозы поваръёс, шеф-поваръёс Глазкарысь, Глаз ёросысь, Ижкарысь. Сыӵе тодмо ресторанъёслэн шеф-поваръёссы
Ольга Боталова, вожвылъяськонэз огез радъясь

Озьы ик ӝытазе, «Тыло толэзь» вожвылъяськон бере, «Этно fire» рок-концерт ортчоз. Нош бӧрысь инбамын яркыт фейерверк ворекъялоз. 

Тодэ вайытом, кылем арын «Тыло толэзь» вожвылъяськонын Глаз ёросысь Кожиль гуртысь Ирина Никитина вормиз

Нялтас вераса, таяз арняе Удмуртиын «ИнстаЧеберай» марафон ужзэ мытӥз.

Наши партнеры

Наверх
Вниз