Удмурт усточиослэн ужъёсынызы книга поттоз «Удмуртия» издательство аслаз 100 ар тырмонэзлы

  • 1150
  • 0
Ижкар / Удмуртия
Удмурт усточиослэн ужъёсынызы книга поттоз «Удмуртия» издательство аслаз 100 ар тырмонэзлы
Туспуктэм: vk.com (Агентство печати и массовых коммуникаций УР)

«Удмуртия» издательство аслаз 100 ар тырмонэзлы удмурт усточиослэн ужъёсынызы бадӟым книга поттоз - «Секреты удмуртских мастеров». Со сярысь туннэ, 9-тӥ пӧсьтолэзе, элькунысь Печатья но калыке ивортодэт вӧлмытонъя агентстволэн коллегиезлэн кенешоназ ужъюртлэн кивалтӥсез Юрий Кузнецов вераз.

Книга бордын издательство берло вить аръёс ӵоже ужаз. Ужъемышенызы тодматон туэ куарусёнэ Удмуртиысь Калыкъёслэн эшъяськон юртазы ортчоз

Бадӟым книгае сюрслэсь трос туспуктэмъёс, тунсыко учыръёс, ужрадъёс, адямиос сярысь верась аспӧртэм текстъёс пыризы. Берлозэ та выллем книгаез кылем даурын, 1989-тӥ арын, поттӥзы вал

Книга Кузебай Герд нимо йӧскалык музейлэн но Суредан устолыкъя элькун музейлэн, Чеберлыко киужъёсъя йӧскалык центрлэн но солэн ёросъёсысь ёзэтъёсызлэн узыр бичетъёсынызы но устоосыныз ужъёсынызы тодматоз. 

Издательстволы 100 ар тырмонэз пусъён улсын Ижкарын «Российское книгоиздание: национальный аспект» кенешон ортчоз. Ужрадэ Печатья но калыке ивортодэт вӧлмытонъя федерал агентстволэсь, Россиысь йӧскалык издательствоослэсь но полиграф компаниослэсь кивалтӥсьёссэс но валтӥсь редакторъёссэс ӧтёзы

Удмуртиысь Печатья но калыке ивортодэт вӧлмытонъя агентстволэн кивалтӥсезлэсь ужзэ быдэсъясь Приск Мгои пусйиз, та дыре элькунын «Удмуртия» издательство гинэ йӧскалык книгаез поттон но вӧлмытон ужен выре. Арлы быдэ ӟуч но удмурт кылъёсын 50-70 пумо книгаос пото, озьы ик нылпиослы удмурт кылын ӝӧквыл шудонъёс.

Тодэ вайытом, кылем толэзе издательство Удмуртиысь учкымон интыосын выль книга поттӥз. Нош кылем ар пумын лыдӟисьёс доры вуэм книгаез понна «Удмуртия» огъяросси вожвылъяськонын куинь диплом басьтӥз

Наши партнеры

Наверх
Вниз