Ижкар+18 °C
24 гудырикошкон 2019 Кӧснунал
16+

Финн-угор калыкъёслэн сиён-юонъёссыя «ШаньгаФест» калыккуспо фестивале пыриськыны ӧтё Удмуртиын улӥсьёсты

  • 865
  • 0
Сыктывкар / Россия
Финн-угор калыкъёслэн сиён-юонъёссыя «ШаньгаФест» калыккуспо фестивале пыриськыны ӧтё Удмуртиын улӥсьёсты
Туспуктэм: Григорий Фомин

Удмуртиын улӥсьёсты 7-8 куарусёнэ Коми элькунысь финн-угор йӧскалык лулчеберетъя паркын ортчись финн-угор калыкъёслэн сиён-юонъёссыя «ШаньгаФест» калыккуспо фестивале пыриськыны ӧтё. Со сярысь элькунысьтымы Калыкъёслэн эшъяськон юртсылэн пресс-службаез ивортэ.

Фестиваль улсын сяме пырем сиён-юонъёсты пӧранъя мастер-классъёс, финн-угор калыкъёслэсь лулчеберетсэс возьматонъёс, творчествоя коллективъёслэн адӟытонъёссы, шутэтскон-шулдыръяськон ужрадъёс ортчозы.

Пыриськон понна куриськонъёсты 25-тӥ гудырикошконозь shangafest@mail.ru электрон почтае куто.

Пыр-почгес ивортодэтэз этнопарклэн нимлыко сайтысьтыз яке ужъюртысь координаторлы (Зоя Алексеевна Корнилова) 8 (8212) 390-214, 8 904 222 36 68 телефонъёс пыр жингыртыса тодыны луэ. 

Фестиваль Коми элькунлэн кивалтэтэз юрттэм улсын но финн-угор калыкъёслэсь сиён-юон пӧран сямъёссэс утён но вӧлмытон понна, озьы ик Комиын сиён-юонъя туризмез вӧлмытон понна ортчытӥське.

Тодэ вайытом, Шаркан ёросысь Быгы гуртын Финн-угор сиён-юонъя «Быг-Быг» VI калыккуспо фестивале таяз арын 4 сюрс 500-лэсь ятыр адями пыриськиз

Наши партнеры

Наверх
Вниз