Ижкар+18 °C
24 гудырикошкон 2019 Кӧснунал
16+

Удмурт лулчеберетъя «Гербер» фестиваль ортчоз Москваын гудырикошконэ

  • 819
  • 0
Москва / Россия
Удмурт лулчеберетъя «Гербер» фестиваль ортчоз Москваын гудырикошконэ
Туспуктэм: Григорий Фомин

17-тӥ гудырикошконэ 10 часысен 21 часозь Москваысь «Красная Пресня» паркын удмурт лулчеберетъя «Гербер» фестиваль ортчоз. Со сярысь Удмуртиысь тӧролэн но кивалтэтлэн пресс-службазы ивортэ.

Фестивальын куать площадкаосын Удмуртилэн туризмъя, спортъя, лулчеберетъя луонлыкъёссэ возьматозы:

  • Лэсьтэмын Удмуртиын;
  • «Удмуртия заряжает»;
  • Удмуртия – спортлэн интывылэз;
  • М. Т. Калашниковлы 100 ар;
  • Шӧмъя Удмуртиез;
  • «VisitUdmurtia».

Куноос тодмо конструкторлэн Михаил Калашниковлэн вордскемез дырысен 100 ар тырмонлы сӥзем «Удмуртская миля» бызьылонэ, озьы ик Калашников автоматэз сэрттон-бичанъя ӵошатсконэ пыриськыны быгатозы.

Сяме пыремъя фестивальын Шахматэн шудонъя куинетӥез усьтэм турнир ортчоз. Мылкыд карисьёс Москваысь но Удмуртиысь устоосыныз шахматистъёсын нюръяськыны, зэмос гроссмейстерлы мат пуктыны, оло, быгатозы.

Быдэс нунал ӵоже «Лэсьтэмын Удмуртиын» ярмарка ужалоз. Куноослы йӧскалык сиён-юонъёсты веръяны, киужъёсъя мастер-классъёсы пыриськыны ӵектозы. Пиналъёс понна выжыкылысь геройёсын площадкаос ужалозы. Люкаськемъёсты калык коллективъёс но егит кырӟасьёс шулдыртозы. Ужрадэз сӥё-дано усьтон 13 часын чакламын.

Тодэ вайытом, кылем арын Москваын ортчем «Гербер» шулдыръяськонэ 7 сюрс пала адями вуылӥз.

«Гербер – 2018» Москваын


Тодэ вайытом, 13-тӥ пӧсьтолэзе Гербер шулдыръяськон Санкт-Петербургын ортчиз

Наши партнеры

Наверх
Вниз