Ижкар+18 °C
24 гудырикошкон 2019 Кӧснунал
16+

Калык крезьгур, выль чечыен вузкарон, веме, кибашлыослэн гуртсы но дауръем вуко дорын круген берган: Удмуртиын «ГуртFEST» фестиваль ортчоз

  • 588
  • 0
Лудорвай / Удмуртия
Калык крезьгур, выль чечыен вузкарон, веме, кибашлыослэн гуртсы но дауръем вуко дорын круген берган: Удмуртиын «ГуртFEST» фестиваль ортчоз
Туспуктэм: Григорий Фомин

17-тӥ гудырикошконэ Удмуртиысь «Лудорвай» музей заповедникын Гурт лулчеберетъя «ГуртFEST» IV калыккуспо фестиваль но Чечы спас ортчоз. Со сярысь ужъюртлэн пресс-службаез ивортэ.

Туэ гужем музейлэн куноосыз луозы Москваысь, Казаньысь, Петрозаводскысь, Эстониысь но Удмуртиысь коллективъёс но быдэстӥсьёс. Фестивальлэн валтӥсь куноосыз – Эстониысь «Väägvere külakapell» группа но Карелиысь «Sattuma» группа. Соослэн шулдыр крезьгурзы улсын пыдъёс асьсэос эктыны кутскозы!
«Лудорвай» музей-заповедниклэн пресс-службаез

Учкисьёсты шулдыртоз Казаньысь «Красная горка» ӟуч фольклор ансамбль, озьы ик карел, удмурт, пор, бесерман но бигер коллективъёс.

Фестиваль улсын этнографи туризмъя котырес ӝӧк ортчоз. Отец Павел выль чечыез вӧсялоз. Сяме пыремъя киужъёсъя мастер-классъёс, ӵошатсконъёс радъяськозы. Уйпал удмуртъёслэн юртъеразы бесерманъёслэсь пинал пыртон, армие келян но ныл куран йылолъёссэс учкыны луоз. Со сяна, нырысьсэ финн-угор калыкъёслы сӥзем 16 вакчи документальной фильмъёсты возьматозы.

Озьы ик фестивальын «Музыка в стиле ЭТНО» вожвылъяськон ортчоз.

16-тӥ гудырикошконэ Эстониысь но Карелиысь куноослэн концертсы Сапарулын Кам шурлэн ярдураз ортчоз

«ГуртFEST» фестивальлэн ужанрадлыкез:

10.00-12.00 - «Удмурт Элькунысь этнографи туризм. Янгышъёс бордын ужан» («Этнографический туризм в Удмуртской Республике. Работа над ошибками») котырес ӝӧк (волость правленилэн юртаз)

10.00-14.00 – «Музыка в стиле ЭТНО» вожвылъяськон. Кыкетӥ люкетэз (лымшор удмуртъёслэн юртъерысьтызы лапас)

10.00-17.00 – чеберлыкъя площадкаос

  • Елена Ведерниковалэн «Лето в кармане» адӟытонэз. Батик
  • арт-кенос
  • финн-угор мультфильмъёсты возьматон (волость правленилэн юртаз)
  • сяська тугоко (вуко азьын)
  • самоделкинъёс (лымшор удмуртъёслэн юртъерзы азьын)

11.00 – праздниклы сӥзем вӧсяськон. Отец Павел выль чечыез вӧсялоз. Удмуртиысь но бускель элькунъёсысь чечыен вузкарон (вуко дорын).

11.00-17.00 – кибашлыослэн гуртсы. Киужъёсъя мастер-классъёс, вузкарон (лыдӟиськон юрт вӧзысь улмопу садын)

11.00-12.30 – Иллялэн самоварез котырын. Кырӟа такмак – юод чай (В. А. Щепинлэн юртъерез азьын)

11.00 – корт вал. Ижкарысь «Кочевники» клублэн мотоциклъёсын адӟытонэз

16.00 – нырысетӥзэ «Иж-1» мотоциклэн поттэм дырысен 90 ар тырмонлы сӥзем пробеглы кутскон сётон

11.00-21.00 – удмурт сиёнъёсты веръян (вуко, скульптураосын парк, лыдӟиськон юрт)

11.45 – берекет поттон. Выль чечыен бечкеез сӥё-дано поттон

12.00 – коллективъёслэн парадзы (лымшор удмуртъёслэн юртъерзы дорысен вукоозь)

12.15 – 107 аръем вукоез лэзён

12.30- 14.00 – праздникез кутскон. Пыриськисьёсты пумитан но Казаньысь, Эстониысь, Карелиысь куноослэн возьматонзы (валтӥсь сцена)

12.00-17.00 – йӧскалык азбаръёс. Азбаръёсын сяме пырем лулчеберетэз возьматон

13.00-17.00 – нылпиослы «Икча-кукча» площадка, сюсьтыл но муш, мунё лэсьтонъя мастер-классъёс, пиналъёс но анай-атайёс понна калык шудонъя, эстафетаос но вожвылъяськонъёс (лыдӟиськон юрт дорын)

13.00-14.00 – Яр ёросысь Ворца гуртысь «Колёса-питран» этнотеатрлэн интерактивной спектаклез (уйпал удмуртъёслэн юртъеразы)

13.00-17.00 – Удмуртиысь казакъёслэн огазеяськонзы воргоронъёслэн нюръяськонъёсазы ӧте

14.00-14.20 – бадӟым круген берган (вуко дорын)

14.00-16.30 – гурт эстафетаос (лымшор юртъер вӧзын)

14.30-15.30 – гурт кырӟанъёс. Удмурт, пор, ӟуч, бигер, бесерман, мордва коллективъёслэн возьматонзы (валтӥсь сцена)

14.30-16.00 – кырӟась куш. Фольклор коллективъёслэн пичи сцена вылын концертсы (лымшор удмуртъёслэн юртъерзы)

16.00–17.00 – калык лотерея. Праздникез радъясьёслэсь шудо кузьымъёс (валтӥсь сцена)

17.00-20.00 – «Музыка в стиле ЭТНО» вожвылъяськонын вормисьёслэн но Казаньысь, Эстониысь, Карелиысь но Удмуртиысь фолк-группаослэн возьматонзы (валтӥсь сцена).

Тодэ вайытом, элькунысь егитъёслэн творчествоя коллективъёссы Фольклор ансамбльёслэн огъяросси вожвылъяськоназы пыриськыны быгато. Со сяна, Удмуртиын «Элькуновидение 2019» улосвылкуспо вожвылъяськонлы кутскон сётӥзы

Наши партнеры

Наверх
Вниз