Ижкар+18 °C
24 гудырикошкон 2019 Кӧснунал
16+

Геннадий Корепанов-Камскийлы сӥзем элькун фестиваль ортчоз Дэбесын 17-тӥ гудырикошконэ

  • 505
  • 0
Дэбес / Удмуртия
Геннадий Корепанов-Камскийлы сӥзем элькун фестиваль ортчоз Дэбесын 17-тӥ гудырикошконэ
Туспуктэм: gasur.ru

17-тӥ гудырикошконэ Дэбес черкогуртын удмурт крезьгурчилы Геннадий Корепанов-Камскийлы 90 ар тырмонлы сӥзем «Певец земли удмуртской» I элькун фестиваль ортчоз. Со сярысь Дэбесысь лулчеберетъя но туризмъя «Сибирский тракт» центлэн «ВКонтакте» мерлыко вотэсысь огиназ ивортэмын.

Ужрадлэн валтӥсь ужпумез – крезьгурчи сярысь тодэ ваёнъёсты юнматон, творчествоя кылёсбурзэ утён но вӧлмытон, удмурт калыклэн лулчеберетэныз тунсыкъяськон мылкыдэз ӝутон.

Фестивальлэн ужанрадлыкез:

  • Тыловай черкогуртын Геннадий Корепанов-Камскийлы буре ваён пул усьтон;
  • «Творческая лаборатория. Певец земли удмуртской» усьтэм конференци;
  • крезьгурчилэн синпелетэныз тодматон (Дэбес черкогуртысь лулчеберетъя но шутэтсконъя «Чупчипал» парк);
  • «Певец земли удмуртской» фестиваль, творчествоя коллективъёслэн возьматонзы (Дэбес черкогуртысь лулчеберетъя но шутэтсконъя «Чупчипал» парк);
  • кибашлыослэн ужъёсынызы «Ширъян пужы» адӟытон-вузкарон;
  • Дэбес ёрослэн учкымон интыосыныз тодматскон (Сибирь трактлэн историезъя музей, Байгурезь).

Та дыре фестивальлы дасяськон мынэ. Творчествоя группа ужа, федерал сюрес вылын ивортодэтъя баннеръёс юнматэмын. Ужрадэ 12 творчествоя коллективъёс пыриськыны мылкыд каризы ини
фестивалез радъясьёс

Фестивалез ортчытыны коньдон «Байгурезь» бӧляк Азьмуртлэн грантъёсъя фондысьтыз басьтӥз

Тодэ вайытом, 8-тӥ пӧсьтолэзе Дэбес черкогуртын удмурт крезьгурчилы Геннадий Корепанов-Камскийлы сӥзем пу скульптураез усьтӥзы, нош 20-тӥ коньывуонэ Можга ёросын «Марӟан гуръёс» элькун вожвылъяськон ортчоз

Наши партнеры

Наверх
Вниз