Ижкар+18 °C
24 гудырикошкон 2019 Кӧснунал
16+

Коръёлэсь 7 синпелет лэсьтӥзы кибашлыос «Выль Бия азбар» фестивальын Вавож ёросын

  • 338
  • 0
Выль Бия / Удмуртия
Коръёлэсь 7 синпелет лэсьтӥзы кибашлыос «Выль Бия азбар» фестивальын Вавож ёросын
Туспуктэм: vk.com (Возрождённые ремёсла (отдел ДПИиР РДНТ / Андрей Перевозчиков)

Вавож ёросысь Выль Бия гуртын пулэсь скульптураос лэсьтонъя  «Выль Бия азбар» фестивальын Удмуртиысь 10 кибашлыос сизьым синпелет лэсьтӥзы. Со сярысь Калык творчествоя элькун юртысь киужъёсъя ёзэтлэн «ВКонтакте» мерлыко вотэсысь огиназ ивортэмын.

Фестивальлы луыса Выль Бия гуртын выль шутэтскон инты кылдӥз. Кибашлыос ужан дыръя, 29-тӥ пӧсьтолэзьысен 2-тӥ гудырикошконозь, куазь зоро возиськиз ке но, вань синпелетъёсты дыраз вуттӥзы.

Ува ёросысь Узей-Тукля гуртысь Кибашлыослэн юртысьтызы методистъёс Сергей Чермаков, Михаил Шахтарин но Андрей Жуйков «Бия» капкаос лэсьтӥзы. Пичи Пургаысь Виктор Яковлев «Юсь выжы» композиция дасяз. Ижкарысь Андрей Перевозчиков куинь синпелетъёслэсь «Бия выжыез утисьёс» композиция кылдытӥз. Ижкарысь Калык творчествоя элькун юртысь киужъя ёзэтысь методист Любовь Бывальцева но Сьӧлтаысь Кибашлыослэн юртысьтызы методист Роман Черных «Куалялюльыос» ӟус быдэстӥзы. Ижкарысь Антон Зевеке «Мынам валэ» синпелет вуттӥз. Можгаысь Кибашлыослэн центрысьтызы методист Сергей Щепин «Инмар но Вукузё» синпелет лэсьтӥз, Дэриысь Пётр Камашев – «Дауркыллэн гурез» синпелет.

«Выль Бия азбар» фестивальын

5 фото

Фестиваль Вавож ёрослы 90 ар тырмонлы сӥзем ужрадъёс улсын ортчиз. Сое Водӟи гуртлэн администрациез, Вавож ёрос администрациысь лулчеберетъя ёзэт, Вавожысь шаертодонъя ёрос музей, лулчеберетъя ёрос юрт, киужъёсъя центр радъязы. Соослы Выль Бия гуртысь школа, «Колос» колхоз, Калык творчествоя элькун юрт юрттӥськизы. 

Тодэ вайытом, Пичи Пургаысь кибашлы Виктор Яковлев Дэбес черкогуртын удмурт крезьгурчилы Геннадий Корепанов-Камскийлы сӥзем пу скульптура лэсьтӥз

Наши партнеры

Наверх
Вниз