Ижкар-2 °C
19 шуркынмон 2019 Пуксён
16+

Калашников нимо музеез но элькун филармониез тупатъяло Ижкарын

  • 1113
  • 0
Ижкар / Удмуртия
Калашников нимо музеез но элькун филармониез тупатъяло Ижкарын
Туспуктэм: vk.com (Владимир Соловьёв)

Удмуртиысь лулчеберетъя министр Ижкарысь М. Т. Калашников нимо музейын но элькун филармониын тупатъян ужъёслэсь мынэмзэс чаклаз. Со сярысь со «ВКонтакте» мерлыко вотэсысь бамаз ивортӥз.

М. Т. Калашников нимо музейын липетсэ рос-прос тупатъяло. Адӟытонъёслы залын дасян ужъёс быдэстэмын, матысь дыре отын вентиляцилэсь витражъёссэ, электроезъёсты но мукетсэ воштыны кутскозы. Лэсьтӥськонэз Удмуртиысь кивалтэтлэн лэсьтӥськонъя управлениез чакла
Владимир Соловьёв, Удмуртиысь лулчеберетъя министр
 

Музеез рос-прос тупатъян понна 35 миллион 600 сюрс манет элькун коньдэтысь висъялозы.

Удмуртиысь кун филармониын учкисьёслы залэз тупатъяло. 

Сцена 1,8 метрлы бадӟыматэмын, солэсь вылзэ но котырзэ воштозы
Владимир Соловьёв, Удмуртиысь лулчеберетъя министр

Со сяна, филармониын учкисьёслы пуконъёсты воштозы. Азьвылъёссэ Воткаысь «Дружба» клубе, Пичи Пурга ёросысь Курчумысь гурт клубе, Алнаш ёросысь Асан совхоз-техникумысь лулчеберетъя центре келязы. Соосты «Культура» йӧскалык ӵектос но партилэн «Культура малой Родины» ӵектосэз улсын тупатъязы.

Филармониын тупатъян ужъёсты гудырикошкон пумын, выль концерт вакыт усьтӥськонлы, йылпумъялозы шуыса чаклало.

Наши партнеры

Наверх
Вниз