Ижкар+18 °C
24 гудырикошкон 2019 Кӧснунал
16+

Дауртон, финн-угор дӥсь но чеберъяськонъёс, фолк-группаослэн концертсы: Ижкарын этнокультурая фестиваль ортчиз

  • 247
  • 0
Ижкар / Удмуртия
Дауртон, финн-угор дӥсь но чеберъяськонъёс, фолк-группаослэн концертсы: Ижкарын этнокультурая фестиваль ортчиз
Туспуктэм: vk.com (Фестиваль современной этнокультуры ТАНГЫРА)

9-тӥ гудырикошконэ Ижкарын егитъёслэн нырысетӥез туала этнокультруая «Тангыра» фестивальзы ортчиз. Ужрадэз Киров нимо паркысь фан-зонаын кутскыса, зоремен сэрен мукет интые выжоно луиз. Со сярысь Удмуртиысь Калыкъёслэн эшъяськон юртсылэн пресс-службаез ивортэ.

Фестивалез суредасьлэн-этнофутуристлэн Кучыран Юрилэн кивалтэмез улсын «Далай-Булай» шаман оркестрен дасям дауртонэн (перформанс) кутскиз. Оркестр Ува ёросысь Булай черкогуртын та нуналъёсы ортчись этнофутуризмъя симпозиумын кылдытэмын вал.

Асьсэлэсь ужъёссэс финн-угор этнодизайнеръёс возьматӥзы. Эграысь модая «Палэзян» театрлэн кивалтӥсез Надежда Касаткина «удмурт бохо» амалъя лэсьтэм дэремъёсыныз тодматӥз. Марий Элысь Евгения Кошкина пор шӧмо дӥсьсэ но чеберъяськонъёссэ ваиз.

Озьы ик куноос пӧртэм мастер-классъёсы пыриськыны быгатӥзы. Ижкарысь Туризмъя но киужъёсъя йӧскалык центрысь ӧнерчиос куэм суйпоскес но бинялтэм мунё лэсьтыны, «Мугур» студиысь усточиос горд сюйлэсь шулан пӧрмытыны дышетӥзы.

Куазь зорыны кутскемен сэрен фестивалез мукет интые выжтоно луиз. Фолк группаослэн концертсы барын азьланьтӥськиз. Отчы «Аргымак» (Башкортостан), «Куат» (Марий Эл), «ЯлАр» (Чувашия), Baradj (Татарстан), Bobolenin (Удмуртия), OYME (Москва) группаос но мукетъёсыз пыриськизы.

Ватсалом, фестивалез адӟыны ветлӥсьёс мерлыко вотэсъёсын ӝожтӥськизы, интыысь интые выжемен валче концерт вакчиятэмын вал шуыса. Но тросэзлэн учкисьёслэн но, артистъёслэн но ӟеч мылкыдзы кылиз.

«Тау учкисьёсмылы валамзы, чидамзы, дурбасьтэмзы но кынарзылы!», - гожтӥзы фестивалез радъясьёс «ВКонтакте» мерлыко вотэсысь огиназы но вуоно арын одно ик выльысь пумиськыны оскытӥзы.  

Наши партнеры

Наверх
Вниз