Ижкар+18 °C
24 гудырикошкон 2019 Кӧснунал
16+

Археологи шудон, лекциос, зумба но мастер-классъёс: Глазкарысь «Иднакар» музей Археологлэсь нуналзэ пусйыны дасяське

  • 193
  • 0
Ижкар / Удмуртия
Археологи шудон, лекциос, зумба но мастер-классъёс: Глазкарысь «Иднакар» музей Археологлэсь нуналзэ пусйыны дасяське
Туспуктэм: vk.com (Историко-культурный музей-заповедник УР Иднакар)

15-тӥ гудырикошконэ Глазарысь историяя но лулчеберетъя «Иднакар» музей-заповедник карын улӥсьёсты но куноосты Археологлэсь нуналзэ пусйыны ӧте. Со сярысь ужъюртлэн «ВКонтатке» мерлыко вотэсысь огиназ ивортэмын.

8 часысен 21 часозь музее пырон дунтэк луоз

Праздниклэн ужнарадлыказ:

10:00-14:00 – «Тайна погасшего очага» археологи квест (гожтӥськыны азьвыл ик кулэ);

13:00-14:00 – музейысь археологи ёзэтлэн кивалтӥсез Александр Дёмин удмурт калыклэн историяя но лулчеберетъя кылёсбурез сярысь лекция лыдӟоз;

14:00-15:00 – музейысь арбериосты валтӥсь утись Анастасия Клюева археологи арбериосты тодосъя чотан-гожтон но утён сярысь вераськоз;

15:00-16:00 – зумба эктонъя дунтэк тренировка

16:00-19:00 – мастер классъёс: ыжгонлэсь киужъёс лэсьтон, сеть пунон, дуриськон, басма вылэ пужы пуктон, изон.

Быдэс нунал ӵоже музейын «Вперёд в прошлое» виртуальной экскурсиен тодматозы, шор дауръёсын ӝӧквыл шудонъёсты возьматозы, синпельёсын вузкарон, туспуктон инты ужалозы, куноослы ческыт сиёнъёсын чай ӵектозы.

Историяя но лулчеберетъя «Иднакар» музей, Удмурт Элькунысь одӥг гинэ археологи музей, кудӥзлэн фондъёсыз утчаськонъёс дыръя шедьтэм выль арбериосын арлы быдэ тырмытӥсько
«Иднакар» музей-заповедник

Тодэ вайытом, кемалась ӧвӧл «Иднакар» музей-заповедникын Казаньысь реставраторъёс ужазы.

Наши партнеры

Наверх
Вниз