Ижкар-2 °C
19 шуркынмон 2019 Пуксён
16+

«Юность» лулчеберет юртэз тупатъяло Уваын

  • 198
  • 0
Ува / Удмуртия
«Юность» лулчеберет юртэз тупатъяло Уваын
Туспуктэм: Руслан Нуриахметов

Уваын «Юность» лулчеберет юртэз тупатъян ужъёс азинтӥсько. 13-тӥ гудырикошконэ ужъёсты чакланы каргуртэ «Единая Россия» партилэн улосвыл ёзэтэзлэн секретарез Владимир Невоструев но иворчиос вуылӥзы. Пӧлазы ивортодэтъя «Удмуртия» агентстволэн корреспондентмы но вал.

Туннэ нуналлы партилэн «Культура малой Родины» федерал ӵектосэзъя лулчеберет юртысь ву гумыосты, тылпулэсь утиськон арбериосты, борддоръёссэ, вӧлдэтсэ выльдӥзы но канализация лэсьтӥзы. Озьы ик туэ выжзэ воштӥзы, пуконъёс пуктыло ини. Нош шыръям коньдонэн катанчи басьтозы на.

Одӥг лулчеберет юртэз тупатъяны ми туннэ 2 миллион манет пала висъяськом, но одӥг юрт бордын кык-куинь ар ужано луиськом. Коньдон тросгес мед висъяськоз вылэм
Владимир Невоструев, «Единая Россия» партилэн улосвыл ёзэтэзлэн секретарез

Выльдэм лулчеберет юртын пукон интыос кулэсмозы, азьвыл 600 вал ке, кылёзы 500. Со выль куронъёсын герӟаськемын, озьы пукон чуръёслэн виссы паськытгес луоз. Каргуртын улӥсьёсты оскыто: инты ӧз ке тырмы, концертъёсын кык возьматонъёс радъялозы.

Каргуртлэн администрациез азьланяз но партилэн но йӧскалык программаосы пыриськыны ӧдъя. Соослэн лулчеберет юртысь шуныт вуттӥсь гумыосты воштэмзы но кыкетӥ этажзэ тупатъямзы, Искусствоосъя нылпи школа пуктэмзы потэ на

Наши партнеры

Наверх
Вниз