Ижкар+23 °C
18 гудырикошкон 2019 Воскресенье
16+

Йӧскалык дӥськутъя «Этно-эрато 2019» вожвылъяськонэ пыриськыны быгато Удмуртиысь этнодизайнеръёс

  • 171
  • 0
Москва / Россия
Йӧскалык дӥськутъя «Этно-эрато 2019» вожвылъяськонэ пыриськыны быгато Удмуртиысь этнодизайнеръёс
Туспуктэм: Григорий Фомин

Удмуртиысь этнодизайнеръёс, суредась-модельеръёс йӧскалык дӥсьлэн вылӥ модаезъя «Этно-эрато 2019» Еврази конкурсэ пыриськыны быгато. Вожвылъяськон 7-тӥ толсуре Москваын ортчоз. Со сярысь элькунысь Калыкъёслэн эшъяськон юртсылэн пресс-службаез ивортэ.

Вожвылъяськон йӧскалык модаез вӧлмытон понна радъяське. Пыриськисьёс понна таӵе номинациос луозы:

  • Устоез славян костюм;
  • Кавказ калыкъёслэн устоез костюмзы;
  • Устоез шундыӝужанпал костюм;
  • Финн-угор калыкъёслэн устоез костюмзы;
  • Уйпалась, Сибирьысь но Дальний Востокысь калыкъёслэн устоез костюмзы;
  • Йӧскалык пужыосын туала костюм;
  • Сцена вылэ потаны устоез этнокостюм.

Вожвылъяськонэ пыриськон понна куриськон, портфолио, туспуктэмъёсты но герӟаськыны телефон номеръёсты 20-тӥ шуркынмонозь etno-erato.mdn@mail.ru электрон почта пыр келяно.

Котькуд номинациын 1-10 бичетъёсты возьматыны луоз. Вожвылъяськонын вормисьёслэн но лауреатъёслэн гала-концертсы 8-тӥ толсуре 17 часын Москваысь кивалтэтлэн Бадӟым залаз ортчоз.

Тодэ вайытом, 2018-тӥ арын «Этно-Эрато» Эграысь но Балезиноысь модельеръёслэсь коллекциоссэс «Финн-угор калыкъёслэн устоез костюмзы» номинациын пусйизы, нош 2017-тӥ арын Якшур-Бӧдья черкогуртысь этнофутуризмъя «Тӧдьы юсь» калык огазеяськон «Туала костюмын этнической мотивъёс» номинациын вормиз.

Наши партнеры

Наверх
Вниз