Ижкар-12 °C
28 -тӥ тулыспал 2021 Воскресенье
18+

Михаил Калашниковлэн дауръем юбилеезлы интернет-адӟытон дасязы Удмуртиысь архивъёс

  • 429
  • 0
Ижкар / Удмуртия
Михаил Калашниковлэн дауръем юбилеезлы интернет-адӟытон дасязы Удмуртиысь архивъёс
Туспуктэм: gasur.ru

Ыбылӥськон тӥрлык кылдытӥсьлэн Михаил Калашниковлэн вордскемез дырысен 100 ар тырмонлы сӥзьыса, Удмуртиысь архивъёс «М. Т. Калашников: страницы жизни и деятельности в архивных документах (к 100-летию со дня рождения)» интернет-адӟытон дасязы. Со сярысь улосвыл тӧролэн но кивалтэтлэн пресс-службазы ивортэ.

Адӟытонын Удмурт Элькунысь кун архивъёслэн 22 фондъёсысьтызы 80-лэсь трос кагаз вылын ужкагазъёс но туспуктэмъёс возьматэмын
Удмуртиысь тӧролэн но кивалтэтлэн пресс-службазы

Экспонатъёс пуштроссыя тямыс люкетлы люкемын.

Нырысетӥез Михаил Калашниковлэн улон сюресэныз, ыбылӥськон тӥрлык кылдытонын нырысетӥ вамышъёсынызы тодматэ, Быдӟым Атыкай оже пыриськемез сярысь вера.

Кыкетӥез АК-47 автоматэз кылдытонлы сӥземын. Отын конструкторлэн ожтӥрлык бордын ужаменыз герӟаськем туж трос ужкагазъёс возьматэмын.

Мукет люкетъёсыз Михаил Тимофеевичлэн СССР-ысь Выл Кенешын ужамез, кунысь но дуннеысь тодмо адямиосын эшъяськемез сярысь верало.

Адӟытонэ пырисьёслы одно ик тунсыко луоз сизьыметӥ люкетэз, отын конструкторлэн шутэтскон дыръяз семьяеныз, эшъёсыныз, пӧйшуран но чорыган интыын лэсьтэм туспуктэмъёс поттэмын

 



Наверх
Вниз