Ижкар-13 °C
5 -тӥ толсур 2020 Кӧснунал
18+

Буре ваён пулэз усьтон, конференци, концерт: Дэбес ёросын Геннадий Корепанов-Камскийлы сӥзем фестиваль ортчиз

  • 433
  • 0
Дэбес / Удмуртия
Буре ваён пулэз усьтон, конференци, концерт: Дэбес ёросын Геннадий Корепанов-Камскийлы сӥзем фестиваль ортчиз
Туспуктэм: vk.com (ДЕБЁСЫ - ЗЕМЛЯЧЕСТВО "БАЙГУРЕЗЬ" / Валерий Нуриахметов)

17-тӥ гудырикошконэ Дэбес ёросын удмурт крезьгурчилэн Геннадий Корепанов-Камскийлэн вордскемез дырысен 90 ар тырмонлы сӥзем «Певец земли удмуртской» элькун фестиваль ортчиз. Со сярысь Удмуртиысь тӧролэн но кивалтэтлэн пресс-службазы ивортэ.

Фестивальлы кутскон сётӥзы крезьугрчилэн вордскем палъёсаз – Тыловай черкогуртын Геннадий Корепанов-Камскийлы буре ваён пул усьтӥзы.

Геннадий Корепанов-Камскийлы буре ваён пул усьтӥзы Тыловайын
Геннадий Корепанов-Камскийлы буре ваён пул усьтӥзы Тыловайын Фото: vk.com (Дебёсы- газета "Новый путь") © http://moyaokruga.ru/noviput/

Собере Дэбесын конференци ортчиз, кытын крезьгурчилэн удмурт лулчеберетэз азинтонын интыез, лыдӟетъюртлэн фондъёсаз электрон ресурсъёс но мукет ужпумъёс сярысь вераськизы.

Элькун фестиваль черкогуртысь лулчеберетъя но шутэтсконъя «Чупчипал» паркын ортчиз. Люкаськемъёс крезьгурчиен видеоархивез учкизы, Удмуртиысь творчествоя коллективъёс, нимаз быдэстӥсьёс концерт возьматӥзы. Со сяна, туспуктон интыос, чеберлыко киужъёсын адӟытон-вузкарон, мастер-классъёс ужазы.

Байгурезь» бӧлякен ӵош быдэстӥськись ӵектос улосчимылэсь, удмурт крезьгурчилэсь творчествозэ вань калык, нош нырысь ик егитъёс пӧлын вӧлмытон вылысь кылдытэмын. Со бадӟым уж элькун, ёрос но гуртъёс тыршемен нуиське
Андрей Иванов, Дэбес ёрослэн тӧроез

Ёросысь депутатъёслэн кенешсылэн тӧроез Ольга Степанова пусйиз, муниципал кылдытэтын улӥсьёс сыӵе устолыко улосчиенызы уж данъясько шуыса.

Геннадий Михайловичлэсь ужъёссэ быдэстон понна празднике элькунысь 15 ёросъёсысь творчествоя коллективъёс лыктӥзы. Со нырысетӥез крезьгурез нотаосын гожтӥз, сое ваньзы мед тодозы шуыса. Пусъеме потэ, «Огъя Россия» партилэн вань тужу сто «Историческая память» ӵектосэз. Ми тодыны кулэ, кин данъяз ёросэз, элькунэз
Ольга Степанова, Дэбес ёросысь депутатъёслэн кенешсылэн тӧроез

Ужрадэ Удмуртиысь Лулчеберетъя министр Владимир Соловьёв пыриськиз. Праздник бере со ёросысь лулчеберетъя ёзэтлэн кивалтӥсеныз Александр Корепановен ӵош Дэбесысь лулчеберетэз азинтонъя центрлэсь ваньбуретсэ эскеризы, 2020-тӥ арын партилэн федерал ӵектосэз улсын юрттэт сётыны ужъёсты пусйизы.

Со сяна, куноос Сибирь трактлэн музеяз, Байгурезе ветлыны быгатӥзы.

«Певец земли удмуртской» ӵектосэз улонэ пыӵатон понна «Байгурезь» бӧляк Азьмуртлэн грантъёсъя фондысьтызы коньдон утӥз. Со чотын Геннадий Корепанов-Камскийлэн Ижкарысь Пушкинской ульчаысь юртэз вылын но крезьугръя элькун колледж вылын буре ваён пулъёс усьтозы. Удмуртиысь Йӧскалык лыдӟетъюрт, Удмуртиысь Крезьугрчиослэн огазеяськонзы но Удмуртиысь кун филармони юрттэмен нотаосын нырысетӥ бичетэз поттозы. 

Тодэ вайытом, пӧсьтолэзе Дэбес черкогуртын удмурт крезьгурчилы Геннадий Корепанов-Камскийлы сӥзем пу скульптураез усьтӥзы.



Наверх
Вниз