Ижкар+11 °C
18 -тӥ коньывуон 2021 Вордӥськон
18+

Удмуртиысь оркестр Сочиысь Олимпи паркын шудоз

  • 452
  • 0
Сочи / Россия
Удмуртиысь оркестр Сочиысь Олимпи паркын шудоз
Туспуктэм: vk.com (Удмуртская Государственная Филармония г. Ижевск)

Удмуртилэн кун филармониысьтыз «Арсенал-бэнд» оркестр Сочиын XXII Тол Олимпи шудонъёслы вить ар тырмонлы сӥзем крезьгуро фестивале пыриське. Со сярысь элькунысь Лулчеберетъя министерстволэн пресс-службаез ивортэ.

19-23 гудырикошконэ котькуд ӝыт Сочиысь Олимпи парысь Медаль площадьысь одӥг сцена вылэ, классикаез но туалазэ огазеяса, академ оркестръёс но эстрадаысь тодмо быдэстӥсьёс потозы. Удмуртиысь оркестр 20-тӥ гудырикошконэ шудоз. 

Фестивале пыриськисьёс пӧлын кунлэн пӧртэм улосвылъёсысьтыз симфони но джаз оркестръёс: Россиысь обороная министерстволэн ожгар оркестрез, Татарстанысь La Primavera камерной оркестр, Кострома улосвылысь смифони оркестр, Удмуртиысь «Арсенал-бэнд» но Мордовиысь «Биг-бэнд» джаз оркестр.

Программаын – дуннеысь академ крезьгур, классика амалэ выжтэм туала крезьгур, кинофильмъёсысь кырӟанъёс но джаз. 

Тодэ вайытом, 19-тӥ куарусёнэ Пыӵал тӥрлык поттӥсьлэн нуналаз Ижкарысь Шор площадьын росси эстрадаысь кизилиослэн концертсы ортчоз.

  




Наверх
Вниз