Ижкар+22 °C
8 -тӥ гудырикошкон 2020 Кӧснунал
16+

Игорь Мальцев Удмуртиысь Кун мунё театрлэн кивалтӥсез луиз

  • 503
  • 0
Ижкар / Удмуртия
Игорь Мальцев Удмуртиысь Кун мунё театрлэн кивалтӥсез луиз
Туспуктэм: Удмуртиысь Лулчеберетъя министерстволэн пресс-службаез

Удмуртиысь Кун мунё театрлы кивалтӥсе Игорь Мальцевез юнматӥзы. Со сярысь элькунысь Лулчеберетъя министерстволэн пресс-службаез ивортэ.

Со ужоскетъёссэ быдэсъяны 16-тӥ гудырикошконэ кутскиз. Лулчеберет но искусство удысын Игорь Вячеславович 25 арлэсь трос ужа. <…> Выль ужан интыяз азинлык, чаклам ужпумъёсты но ӵектосъёсты умоен быдэстыны сӥзиськом
Удмуртиысь Лулчеберетъя министерстволэн пресс-службаез

1997-тӥ арын Игорь Мальцев Глазкарысь В. Г. Короленко нимо пединститутэз «Покчи классъёсты дышетӥсь» но «Крезьгуръя дышетӥсь» ӧнеръёсъя йылпумъяз. 2001-тӥ арын – Россиысь театр искусствоя институт (ГИТИС) бордын ужась Сцена искусство удысысь ужасьёслэсь вылӥ школазэс «Сцена искусствоя вылӥ квалификациен менеджер» ӧнеръя.

Школаын бадӟым классъёсын дышетскыкуз Игорь Мальцев «Парафраз» театрлэн студияз лыктӥз. Кутскиз актёр луыса, звукорежиссёрлы но светооператорлы дышетскиз. Театрлэн спектакльёсаз 30-лэсь трос рольёсты шудӥз. Сцена искусство удысысь ужасьёслэсь вылӥ школазэс йылпумъямез бере коллективен кивалтыны кутскиз. Москваын «Норд-Ост», «12 стульев», «Cats» мюзиклъёсын ужаз. Антреприза спектакльёслэн продюсерзы вал. Нылпи театръёслэн «Театральные ладушки» калыккуспо фестиваленызы (Глазкар) кивалтӥз. Нылпи спектакльёслы крезьгуръёс гожтӥз. 

Тодэ вайытом, Мунё театрлэсь азьвыл кивалтӥсьсэ Алексей Петровез туэ куартолэзе Удмуртиысь лулчеберетъя министрлэн воштӥсез интые юнматӥзы.



Наверх
Вниз