Ижкар+5 °C
21 куарусён 2019 Кӧснунал
16+

Удмуртиысь «Эктоника» ӵектос «Таврида - АРТ» огъяросси фестивальын бадӟым грант утӥз

  • 766
  • 0
Судак / Россия
 Удмуртиысь «Эктоника» ӵектос «Таврида - АРТ» огъяросси фестивальын бадӟым грант утӥз
Туспуктэм: vk.com (ЭКТОНИКА ®)

Удмуртиысь «Эктоника» ӵектос Крымын ортчем «Таврида - АРТ» фестивальысь бадӟым вормонэн бертэ. Со сярысь «Эктоника» ӵектослэн Instagram мерлыко вотэсысь бамаз ивортэмын.

Ӵектослэн ёзчиосыз Владислав Горжак, Пётр Пушкин но Василий Пагин Удмуртие 800 сюрс манетлы сертификат ваё. Коньдон «Эктоника» этнофестивальлэн ӵектосэзлы сётӥзы

Тодэ вайытом, этнофестиваль Шаркан ёросын 2015-тӥ арысен ортчытъяське. Кӧня ке ар ӵоже со этнодискотекаысь инбам улын бадӟым ужрадлы пӧрмиз.

Пусъём, «Эктоника» сяна, Удмуртие коньдонэн сертификатъёс мукет ӵектосъёс но ваё. 250 сюрс манетлы сертификат Ксения Гуклэн «Pro_зож Десант» ӵектосэз утӥз. Игорь Князевлэсь «Открытый чемпионат дворовых видов спорта» спортъя ӵектоссэ 300 сюрс манет тыр дунъязы. Озьы ик 300 сюрс манетлы сертификатэн Екатерина Самаровалэсь «Будь в движении» спортъя арнялэсь ӵектоссэ пусйизы.

Удмуртиысь ӵектосъёс туэ, азьвыл аръёсын ӵошатыса, тужгес но трос коньдон утӥзы – 1 миллион 650 сюрс манет

Ватсалом, творчествоя огазеяськонъёслэн нырысетӥез «Таврида-АРТ» огъяросси фестивальзы Крымысь Судакын 20-26 гудырикошконэ ортчиз, отчы Удмуртиысь 30 адями пыриськиз. Фестивальлэн грантъёсъя шыкысаз 80 миллион манет вал.  

Тодэ вайытом, азьвылгес Удмуртиысь егитъёс «Таврида» форумын 1 миллион манет утӥзы, нош Приволжск федерал округысь егитъёслэн «iВолга 2.0» форумысьтызы элькунысь пыриськисьёс 1 миллион 400 сюрс манет вайизы.

Наши партнеры

Наверх
Вниз