Ижкар+5 °C
21 куарусён 2019 Кӧснунал
16+

Йӧскалык чебераез но тужгес ческыт сиёнэз бырйизы «Тыло толэзь» фестивальын Удмуртиын

  • 537
  • 0
Адам / Удмуртия
Йӧскалык чебераез но тужгес ческыт сиёнэз бырйизы «Тыло толэзь» фестивальын Удмуртиын
Туспуктэм: vk.com (Екатерина Ракишева)

31-тӥ гудырикошконэ Глаз ёросысь Адам гуртысь «ДондыДор» паркын «Тыло толэзь» этно-арт-фестиваль ортчиз. Со сярысь Удмуртиысь Лулчеберетъя министерстволэн пресс-службаез ивортэ.

Нырысь ик «Арт-луд» нылпи праздник усьтӥськиз. Семьяос инкуазь материалъёслэсь пӧртэм скульптураос лэсьтӥзы.

Одӥгез пусйымон ужрад луиз калык чеберлыкъя «Тыло толэзь» элькун вожвылъяськон. Отчы Глаз, Эгра, Балезино ёросъёсысь, Глазкарысь но Кудымкарысь 12 нылъёс пыриськизы. Конкурслэн вань люкетъёсызлы йылпумъянъёсъя «Тыло толэзь» ним басьтӥз Пермь шаерысь Коми-Пермяк округысь Екатерина Ракишева
Удмуртиысь Лулчеберетъя министерстволэн пресс-службаез

Фестиваль фаер-рок-концертэн йылпумъяськиз. Валтӥсь куноос Набережные Челны карысь Alkonost фолк-метал-группа, Пермьысь Vinum Unicornis фолк-гурппа, Глазкарысь «СтереоХИТ» кавер-группа луизы. Тылын суреданы но тылын шудыны быгатэменызы Ханаби (Киров) но Луна (Ижевск) коллективъёс паймытӥзы.

Радъясьёс ивортэмъя, йӧскалык сиён пӧранъя «Тыло кужым» вожвылъяськонын Глазкарысь «Сочи» кафеысь шеф-повар Иван Третьяков вормиз. Со бакча сиёнъёсын но шулэсь но чечылэсь ӟег соусэн парем парсь сӥль дасяз.

Ужрадэ оглом 2 сюрслэсь трос адями вуылӥз

Тодэ вайытом, «Тыло толэзь» этно-арт-фестиваль 17-тӥ гудырикошконэ ортчыны кулэ вал, но зоро куазь сэрен ужрадэз гужемлэн берпуметӥ нуналаз выжтӥзы. 

Наши партнеры

Наверх
Вниз