Ижкар+5 °C
21 куарусён 2019 Кӧснунал
16+

Фольклоръя калыккуспо фестивальысь вормонъёсын бертэ Дэри ёросысь «Дэлет» ансамбль

  • 548
  • 0
Темрюк / Россия
Фольклоръя калыккуспо фестивальысь вормонъёсын бертэ Дэри ёросысь «Дэлет» ансамбль
Туспуктэм: vk.com (Ольга Матвеева)

Дэри ёросысь «Дэлет» ансамбль «Голоса традиций» калыккуспо фестиваль-вожвылъяськонысь вормонъёсын бертэ. Со сярысь Удмуртиысь Калыкъёслэн эшъяськон юртсылэн пресс-службаез ивортэ.

Подшивалъёс турын дасян, выль кен пылатон йылолъёсты возьматӥзы, киужъёсын тодматӥзы

Чеберлыко киужъёсъя ӧрын Ольга Матвеева I степенё диплом басьтӥз. Геннадий Ореховез «Автор кырӟанэз быдэстӥсь» номинациын II степенё дипломен пусйизы.

Сьӧразы сандык, кык чемодан дӥськут, мажесъёс нуизы. Жюрилэн ёзчиосыз но мукет улосвылъёсысь пыриськисьёс быгатонлыкъёссы шоры синмаськыса учкизы.

Вуимы отчы но, туж шуныт, эшлыко мылкыдын пумитазы. Милям кышкан-куалекъянмы соку ик быриз. Эктӥм, кырӟам, ох, милемыз учко. Вань сюресэз удмурт дэремен ветлӥм, весьёсын. Удмуртлыкмес туж умой возьматӥм
Нина Петрова, «Дэлет» ансамбльлэн кивалтӥсез

Фестиваль 26 гудырикошконысен 1-тӥ куарусёнозь Краснодар улосвылысь Темрюк карын ортчиз.

Тодэ вайытом, Глазкарысь Нылпиослэн но быдэ вуымтэослэн центрысьтызы дышетскись Владимир Кононов калык лулчеберетъя «Наследники традиций» IV огъяросси нылпи фестивальын «Декоративно-прикладное творчество» ӧрын нырысетӥ инты басьтӥз

Наши партнеры

Наверх
Вниз