Ижкар+5 °C
21 куарусён 2019 Кӧснунал
16+

«Лудорвай» музейлэн центрез усьтӥськоз Ижкарын коньывуон пумын

  • 531
  • 0
Ижкар / Удмуртия
«Лудорвай» музейлэн центрез усьтӥськоз Ижкарын коньывуон пумын
Туспуктэм: Григорий Фомин

Туэ коньывуон пумын Удмуртиысь «Лудорвайн» музей-заповедниклэн Ижкарын музейно-просветительской центрез усьтӥськоз. Со сярысь ивортодэтъя «Удмуртия» агентстволэн корреспондентэзлы «Лудорвай» музейысь тодосъя ӧнерчи Анастасия Иванова вераз.

Тодмо ини, «Ночь искусств» 3-тӥ шуркынмонэ отын ортчоз, нимаз площадка сямен
Анастасия Иванова, «Лудорвай» музейысь тодосъя ӧнерчи

Площадкаын тунсыко адямиосын пумиськонъёс, мастер-классъёс ортчозы, лекциос лыдӟозы, синпельёсын пичи лавка ужалоз, концертъёс, крезьгуро ӝытъёс радъялозы. Со сяна интыез «Лудорвай» музейлэн ужрадъёсызлы матын луись ужпумъёсъя арендае но кутыны луоз.

Нимаз уж школаосын мыноз. Дышетонъя программаос ужалозы – одӥг люкетэз Ижкарын, мукетыз – Лудорвайын
Анастасия Иванова, «Лудорвай» музейысь тодосъя ӧнерчи

Озьы ик Ижкарысь центрын адӟытонъёс но радъялозы. Но соос «Лудорвай» музейысь адӟытонъёсын пӧртэмесь луозы.

Со луоз ватсаса площадка, кудӥз ачиз ужалоз, ас ӧрызъя
Анастасия Иванова, «Лудорвай» музейысь тодосъя ӧнерчи

Анастасия Ивановалэн верамезъя, таӵе центрлы кулэяськон кемалась вал ини.

Лудорвайын кыӵе ке ужрадъёс луо ке, тросэз адямиос юало автобус вуэ-а шуыса. Нош автобус куддыръя уг луы. Соин Лудорвае мынэмзы уг луы. Нош татын сыӵе ик шӧмо милям ужрадъёсмы, чисто по-Лудорвайски, но Ижкарын луозы, тани татын
Анастасия Иванова, «Лудорвай» музейысь тодосъя ӧнерчи

Пусъём, «Лудорвайлэн» музейно-просветительской центрез Ижкарысь Пастухов нимо урамысь 13 номеро юртэ интыяськоз. 

Наши партнеры

Наверх
Вниз