Ижкар+5 °C
21 куарусён 2019 Кӧснунал
16+

Корепанов-Камскиез тодэ ваён ӝыт ортчоз Ижкарын 6-тӥ куарусёнэ

  • 515
  • 0
Ижкар / Удмуртия
Корепанов-Камскиез тодэ ваён ӝыт ортчоз Ижкарын 6-тӥ куарусёнэ
Туспуктэм: Удмуртиысь йӧскалык лыдӟетъюртлэн пресс-службаез

6-тӥ куарусёнэ Удмуртиысь Йӧскалык лыдӟетъюртын (Удмурт урам, 264) удмурт крезьгурчилэсь Геннадий Корепанов-Камскйлэсь улон сюрессэс но творчествозэ тодэ ваёнлы сӥзем ӝыт ортчоз. Со сярысь ужъюртлэн пресс-службаез ивортэ.

Пумиськонэз Удмуртиысь крезьгурчиослэн огазеяськонзылэн кивалтӥсез Марина Ходырева нуоз. Со Корепанов-Камскийлэн улонысьтыз тунсыко учыръёс сярысь вералоз, солэн семьяезлэн архивысьтыз ужкагазъёсты но туспуктэмъёсты возьматоз.

Ужрад 18 часын кутскоз, вань мылкыд карисьёс понна пыронэз эркын.

Тодэ вайытом, 2019-тӥ арын Геннадий Корепанов-Камскийлы 90 арес тырмысал. 17-тӥ гудырикошконэ Дэбес ёросын крезьгурчилы сӥзем «Певец земли удмуртской» элькун фестиваль ортчиз.

Наши партнеры

Наверх
Вниз