Ижкар+5 °C
21 куарусён 2019 Кӧснунал
16+

Удмурт кырӟанъя «Ин муш» нылпи ансамбль кылдытозы Можгаын

  • 490
  • 0
Можга / Удмуртия
Удмурт кырӟанъя «Ин муш» нылпи ансамбль кылдытозы Можгаын
Туспуктэм: ИА «Удмуртия»

Можгаын удмурт кырӟанъя «Ин муш» нылпи ансамбль кылдытыны чаклало. Отчы пыриськыны мылкыд карись нылпиосты ӧтё. Со сярысь ивортодэтъя «Удмуртия» агентстволэн корреспондентэзлы «Октябрь» лулчеберет юртысь методист Татьяна Муравьёва вераз.

Ансамбле нылпи садысь школае мыныны дасяськись группаосысь яке школаын покчи классъёсын дышетскисьёсты возьмало.

Татын пичиосын сыӵе удмурт ансамбль ӧвӧл. Вань бадӟымъёс но пичиосын, но ӟуч ансамбль. Нош удмуртэз ӧвӧл. Соин малы бон ум (кылдытэ – ред.)?
Татьяна Муравьёва, «Октябрь» лулчеберет юртысь методист

Татьяна Муравьёвалэн кылъёсызъя, нылпи ансамбль фольклор кырӟанъёсты но шаерысьтымы крезьгурчиослэсь кырӟанъёссэс быдэстоз.

Пыр-почгес тодон но гожтӥськон понна 12-тӥ куарусёнэ 18 часын «Усьтэм ӧсъёс» ужрадэ Чапаев нимо урамысь 8 номеро юртэ лыктоно. 

Тодэ вайытом, 17-тӥ куарусёнэ Ижкарысь «Арт-резиденциын» егитъёслэн «Юмок» удмурт театразы кастинг ортчоз

Наши партнеры

Наверх
Вниз