Ижкар+5 °C
21 куарусён 2019 Кӧснунал
16+

Тупатъям лулчеберет юртэз усьтӥзы Удмуртиысь Кизнер ёросын

  • 464
  • 0
Синяр-Бодья / Удмуртия
Тупатъям лулчеберет юртэз усьтӥзы Удмуртиысь Кизнер ёросын
Туспуктэм: Удмуртиысь лулчеберетъя министерстволэн пресс-службаез

Удмуртиысь Кизнер ёросысь Синяр-Бӧдья гуртысь партилэн «Культура малой Родины» федерал ӵектосэз улсын выльдэм лулчеберет юртэз усьтӥзы. Со сярысь элькунысь лулчеберетъя министерстволэн пресс-службаез ивортэ.

Ёрослы оглом 1 миллион 700 сюрс манет тыр субсидия висъямын вал, со пӧлысь 1 миллион 300 сюрс манетэз – федерал коньдэтысь

Партилэн ӵектосэз улсын лулчеберет юртысь липетсэ, корказьзэ, фойеысь выжзэ, вӧлдэтъёссэ но ӧсъёссэ воштӥзы. 

Туннэ лулчеберет юртын нылкышноослэн клубзы, спортъя огазеяськон, искусствоосъя «Усточи» кружок, фольклоръя «Гербер» коллектив ужало.

Тупатъям юртэз усьтон ужрадэ Удмуртиысь лулчеберетъя министр, партилэн «Культура малой Родины» федерал ӵектосэзлэн элькунъя координаторез Владимир Соловьёв но вуылӥз.

Та выльдэм лулчеберет юрт чеберлыко коллективъёсын но гурт калыкен кулэ карымон луоз. Татын бадӟым ужрадъёс ортчозы, озьы ик элькунысь мукет ёросъёсысь коллективъёс вуылозы
Владимир Соловьёв, Удмуртиысь лулчеберетъя министр

Озьы ик гуртоосты Кизнер ёрослэн тӧроез Александр Плотников ӟечкылаз.

Синяр-Бӧдьяысь лулчеберет юртэз выльдон пумысен трос улӥсьёс ми доры вазиськылӥзы. Оскисько, табере соослэн та юртэ вуылыны бадӟым мылкыдзы луоз. <....> Пичи гуртъёсысь ӵемысь бадӟым профессионалъёс пото
Александр Плотников, Кизнер ёрослэн тӧроез

Пусъём, 2019-тӥ арын «Культура малой Родины» федерал ӵектос улсын элькунысьтымы 24 ужъюртъёс выльдэмын луозы. Ужъёсты быдэстыны но кулэ луись арбериос басьтыны федерал, улосвыл но муниципал коньдэтъёсысь оглом 36 миллион 500 сюрс манет висъямын.

Тодэ вайытом, куарусёнэ Алнаш но Грак ёросъёсын тупатъям лулчеберет юртъёсты усьтозы на. 

Наши партнеры

Наверх
Вниз