Ижкар+5 °C
21 куарусён 2019 Кӧснунал
16+

Калык сиён-юонъя «ШаньгаФест» калыккуспо фестивале мынӥз Пичи Пурга ёрослэн делегациез

  • 435
  • 0
Пичи Пурга / Удмуртия
Калык сиён-юонъя «ШаньгаФест» калыккуспо фестивале мынӥз Пичи Пурга ёрослэн делегациез
Туспуктэм: vk.com (Надежда Степанова)

7-8 куарусёнэ Пичи Пурга ёрослэн делегациез Комиын калык сиён-юонъя «ШаньгаФест» фестивале но финн-угор калыкъёслэн «Вунэтэм киужъёс» семинар-форумазы пыриськоз. Со сярысь ёросысь лулчеберетъя но туризмъя управлениелэн кивалтӥсез Надежда Степанов «ВКонтакте» мерлыко вотэсысь бамаз ивортӥз.

Ыб черкогуртысь этнопаркын асьсэлэсь быгатонлыкъёссэс возьматозы Вуж Мӧнья гуртысь куиужъёсъя юртысь усточиос, «Зарни шеп» но «Улон шуд» ансамбльёс. Удмуртъёслэн сиён-юонъёсынызы «Курег азбар» огазеяськонысь азьветлӥсьёс тодматозы.

Кызьы тодӥськомы, Куреггуртын тужгес ческыт перепеч но табань пыжо, соин ик ӵапак соослы удмурт сиён-юонэн тодматонэз оскимы. Нош коллективъёсмы творчествоя площадкаосы пыриськозы, удмурт калыклэн йылолъёсыныз тодматозы. Вуж Мӧньяысь усточиос куиськонъя мастер-классъёс ортчытозы
Надежда Степанова, Пичи Пурга ёросысь лулчеберетъя но туризмъя управлениелэн кивалтӥсез

Тодэ вайытом, Дэри ёросысь «Дэлет» ансамбль «Голоса традиций» калыккуспо фестиваль-вожвылъяськонын вормонъёс басьтӥз.

Наши партнеры

Наверх
Вниз