Ижкар+5 °C
21 куарусён 2019 Кӧснунал
16+

Тупатъям лулчеберет юртэз усьтӥзы Вотка ёросын

  • 413
  • 0
Первомайской / Удмуртия
Тупатъям лулчеберет юртэз усьтӥзы Вотка ёросын
Туспуктэм: Удмуртиысь лулчеберетъя министерстволэн пресс-службаез

Вотка ёросысь Первомайской черкогуртын выльдэм лулчеберет юртэз усьтӥзы. Со сярысь Удмуртиысь лулчеберетъя министерстволэн пресс-службаез ивортэ.

Тупатъян ужъёсты партилэн «Культура малой Родины» федерал ӵектосэз улсын лэьстӥзы.

Ужъёсты быдэстон понна оглом 750 сюрс манет быдтэмын, со пӧлысь 607 сюрс манет – федерал коньдэтысь. Партилэн ӵектосэз улсын лулчеберет юртысь учкисьёслы залэз тупатъязы, электроезъёссэ воштӥзы
Удмуртиысь лулчеберетъя министерстволэн пресс-службаез

Сӥё-дано ужрадэ Удмуртиысь лулчеберетъя министр, партилэн «Культура малой Родины» федерал ӵектосэзлэн координаторез Владимир Соловьёв, Вотка ёросысь Депутатъёслэн кенешсылэн тӧроез Михаил Назаров но Удмуртиысь Кун Кенешысь ялан ужась комиссиен кивалтӥсь Владимир Варламов вуылӥзы.

Черкогуртын улӥсьёсты но куноосты ёросысь кырӟась-эктӥсьёс шумпоттӥзы.

Бӧрысь кивалтӥсьёс Гавриловкаысь гурт лулчеберет юртэ ветлӥзы. Со но ӵектос улсын тупатъян ужъёслы черодзэ возьма

Пусъём, 2019-тӥ арын партӥлэн федерал ӵектосэз улсын 24 ужъюртъёс тупатъямын луозы. Ужъёсты быдэстон но кулэ луись арбериос басьтон понна федерал, улосвыл но муниципал коньдэтъёсысь оглом 36 миллион 500 сюрс коньдон висъямын.

Тодэ вайытом, кемалась ик ӧвӧл ӵектос улсын тупатъям Кизнер ёросысь Синяр-Бӧдья гуртысь лулчеберет юртэз усьтӥзы

Наши партнеры

Наверх
Вниз