Ижкар+5 °C
21 куарусён 2019 Кӧснунал
16+

Арганчиослы шулдыръяськон ортчоз Кияса ёросын 14-тӥ куарусёнэ

  • 291
  • 0
Лутоха / Удмуртия
Арганчиослы шулдыръяськон ортчоз Кияса ёросын 14-тӥ куарусёнэ
Туспуктэм: Руслан Нуриахметов

14-тӥ куарусёнэ Кияса ёросысь Лутоха гуртын арганчиослы, баянэн шудӥсьёслы, такмакъёс быдэсъясьёслы «Играй, гармонь!» шулдыръяськон ортчоз. Со сярысь ивортодэтъя «Удмуртия» агентстволэн корреспондентэзлы «Лутохинское» муниципал кылдытэтлэн тӧроез Вероника Атеева вераз.

Туэ 14-тӥ арзэ ортчытӥське ини со милям интывыламы. Нырысетӥ кутскон аръёсы асьме гурт котырысь гинэ пыриськисьёс вал, собере вить ар ортчыса ёрос карим ини ми сое. Ёросысь ансамбльёс, арганчиос пыриськылӥзы. Кылем арын, вадля арын Ижкарысь, Можгаысь, Сарапулысь пыриськылӥзы ини оген шудӥсь арганчиос
Вероника Атеева, «Лутохинское» муниципал кылдытэтлэн тӧроез

Нош туэ, гурт тӧролэн кылъёсызъя, бускель улосвылысь но куноосты возьмало ини. Угось ӧтён гожтэтъёс Башкирие но келязы.

Кылем арысен арганчиослы шулдыръяськон вӧзы пӧраськемъёсъя «Пальчики оближешь» вожвылъяськон ватсазы на. Со улсын ёросысь котькуд муниципал кылдытэт ӝӧксэ дася. Вероника Атеевалэн кылъёсызъя, оглом тямыс ӝӧк люкаське.

Азьло «Играй, гармонь!» гинэ вал ке, арганэн, баянэн шудылӥзы, ансамбльёс кырӟало, нош кылем арын бордаз ватсамы на ас пӧрамъёсын адӟытон-ярмарка: чечыен но, йӧлын но, варенняен но, губиен но. Кин мар быгатэ
Вероника Атеева, «Лутохинское» муниципал кылдытэтлэн тӧроез

Шулдыръяськон улсын кибашлыослэн юртысьтызы ӧнерчиос мастер-классъёс радъялозы, нылпиослы шудон площадкаос ужалозы.

Кутсконэз 11 часын.

Наши партнеры

Наверх
Вниз