100 лет государственности Удмуртии
Ижкар+10 °C
25 -тӥ куартолэзь 2020 Вордӥськон
16+

Лулчеберетъя но спортъя тупатъям огъетэз усьтӥзы Каракулино ёросын

  • 412
  • 0
Быргында / Удмуртия
Лулчеберетъя но спортъя тупатъям огъетэз усьтӥзы Каракулино ёросын
Туспуктэм: Удмуртиысь лулчеберетъя министерстволэн пресс-службаез

Каракулино ёросысь Быргында гуртын лулчеберетъя но спортъя огъетэз тупатъян ужъёс бере усьтӥзы. Со сярысь элькунысь лулчеберетъя министерстволэн пресс-службаез ивортэ.

Туэ ужъюртлэсь корказьзэ тупатъязы, укнооссэ воштӥзы, лыдӟетъюртэ светодиод лампаос пуктӥзы. Лэсьтӥськон ужъёслы оглом 1 миллион манет висъязы, со пӧлысь 810 сюрс манетсэ – федерал коньдэтысь

Ужъюрт 1985-тӥ арын пуктэмын вал. Трос аръёс ӵоже отын пӧртэм ӧръёсъя огазеяськонъёс ужало, улосвылкуспо, элькун но ёрос ужрадъёсы пыриськылэм творчествоя коллективъёс люкаськыло.

Огъетэз сӥё-дано усьтон ужрадэ Удмуртиысь лулчеберетъя министр, партилэн «Культура малой Родины» федерал ӵектосэзлэн элькунамы координаторез Владимир Соловьёв, Каракулино ёрослэн тӧроез, «Огъя Россия» партилэн интыысь ёзэтэзлэн секретарез Сергей Русинов, «Быргындинское» муниципал кылдытэтлэн тӧроез Вернер Ушков пыриськизы.

Куноосты йӧскалык пӧрамъёсын но пор эктонъя мастер-классэн пумитазы. Быргындаын ӵап со выжыысь калык тросгес улэ.

Шулдыръяськонэз калык кырӟанъя «Ныжыл кумыл» ансамбль усьтӥз. Озьы ик ужъюлтошъёссэ Башкириысь эстрадая но фольклоръя «Канде кава» ансамбльлэн кивалтӥсез Сергей Зайнетдинов ӟечкылаз, Каракулиноысь лулчеберетъя ёрос центрен кивалтӥсь Екатерина Пермякова Россия сярысь кырӟан быдэстӥз.

Ужрад лулчеберетъя но спортъя огъетэтӥ экскурсиен йылпумъяськиз.

Тупатъян ужъёсты «Огъя Россия» партилэн «Культура малой Родины» федерал ӵектосэз улсын ортчизы

2020-тӥ арын выльдэм юртын Удмуртилэн кунлыкезлы 100 ар тырмон улсын ужрад но поръёслэн «Семык» 25-тӥ элькун йӧскалык шулдыръяськонзы ортчозы. 



Наверх
Вниз