Ижкар+2 °C
20 коньывуон 2019 Воскресенье
16+

Лулчеберетъя огъетэз выльдэм бере усьтӥзы Удмуртиысь Дэри ёросын

  • 428
  • 0
Подшивал / Удмуртия
Лулчеберетъя огъетэз выльдэм бере усьтӥзы Удмуртиысь Дэри ёросын
Туспуктэм: Удмуртиысь лулчеберетъя министерстволэн пресс-службаез

Дэри ёросысь Подшивал гуртын тупатъям бере лулчеберетъя огъетэ усьтӥзы. Ужрадэ ивортодэтъя «Удмуртия» агентстволэн корреспондентэз вуылӥз.

Дэри ёросысь Подшивал гуртын выльдэм лулчеберетъя огъетэз усьтон

4 фото

Юртэз партилэн «Культура малой Родины» федерал ӵектосэзъя туэ 26-тӥ инвожое тупатъяны кутскизы. Ужъёсты нуыны 1 миллион 200 сюрс манет висъязы, со пӧлысь 972 сюрс манетэз – федерал коньдэтысь. Лулчеберетъя огъетын укноосты воштӥзы, борддорез но азьзэ тупатъязы.

Подшивалысь лулчеберетъя огъетын калык кырӟанъя но эктонъя «Марӟан» ансамбль, кырӟанъя «Сударушки» но «Дэлет» ансамбльёс ужало.

Выжез воштэмен репетициос нуыны капчигес луиз. Милям сцена куашкалля вал. <...> Сайкыт, шуныт, мар эшшо кулэ на репетициос понна?
Елена Макарова, калык кырӟанъя но эктонъя «Марӟан» ансамбльлэн балетмейстерез

Со сяна, ужъюртэ ветлӥсьёс теннис но шашки шудо, тунсыкъяськонъёссыя клубъёс кылдытъяло, лыдӟиськонние пыро, нош нылкышноос фитнесэн выро.

Лулчеберет юрт – со калыкез люкан инты. Лулчеберет удысысь ӧнерчиос татын ужало, нош эшшо но тросгес адями татчы ӝытъёсы шутэтскыны ветлэ. Шумпотымон, егитъёс но мыло-кыдоесь шуыса, нош арлыдоос лулчеберетэз но йылолъёсты утё
Анастасия Муталенко, Удмуртиысь кивалтэтлэн тӧроезлэн воштӥсез

2019-тӥ арын «Культура малой Родины» ӵектосъя Удмуртиын лулчеберетъя 33 ужъюртъёсты тупатъялозы. «Бадӟым выльдӥськон» ӵектосъя умоятыны чаклам юртъёсты лыдэ басьтыса, таяз арын лулчеберетъя 99 юртъёсты выльдозы, ватсаз Анастасия Муталенко.

Таяз арын 31-тӥ коньывуонэ ми берпуметӥзэ лулчеберет юртэз усьтӥськомы. Нокыӵе юанъёс со пумысен туннэ милям ӧвӧл, уз но луэ, малы ке шуоно 52 миллион манет пӧлысь туннэ милям 500 сюрс манетэз гинэ уже кутытэк кыле, Приволжск федерал округъя со тужгес пичи лыдпус
Владимир Соловьёв, Удмуртиысь лулчеберетъя министр, партилэн «Культура малой Родины» федерал ӵектосэзлэн элькунын координаторез

Кытын ке тупатъянэз ӧз ке быдэстэ, ужъёсты вуоно арлы выжтозы, пусйиз министр. Солэн кылъёсызъя, 2020-тӥ арын лулчеберетъя юртъёсты выльдыны «Культура малой родины» ӵектосъя 29 миллион манет висъялозы но «Культура» йӧскалык ӵектосъя – 54 миллион манет.

Тодэ вайытом, таяз арняе Яр ёросысь Вортча гуртын тупатъям бере лулчеберет юртэз усьтӥзы.

Наши партнеры

Наверх
Вниз