Ижкар+2 °C
20 коньывуон 2019 Воскресенье
16+

Кез ёросысь Юлия Третьякова «Яратон» кырӟанэз быдэстоз «Элькуновидениын»

  • 637
  • 0
Кез / Удмуртия
Кез ёросысь Юлия Третьякова «Яратон» кырӟанэз быдэстоз «Элькуновидениын»
Туспуктэм: vk.com (Юлия Марьина)

Кез ёросысь Юлия Третьякова «Элькуновидение-2019» вожвылъяськонын яратон сярысь кырӟанэз быдэстоз. Ивортодэтъя «Удмуртия» агентстволэн корреспондентэзлы со конкурслы дасяськемез, оскон-возьманъёсыз сярысь мадиз.

Егит нылкышно Кез ёросысь «Леспромхоз» лулчеберет юртын пиналъёсын ужанъя методист луыса тырше, ужрадъёс ортчытэ. Со сяна, кырӟанъя но эктонъя «Ӟардон» ансамбле ветлэ.

Вожвылъяськонэ пыриськыны со ачиз мылкыд кариз. Солы «Яратон» кырӟан азьвыл аръёсы Кез ёрос понна конкурсэ пыриськылэм Сергей Ефремов гожтӥз.  

Мон кылем арын Сергей понна висьыны ветлӥ. И мон шуисько, мынам но со быдӟа сцена вылэ потэме потэ, мыным но гожтэ, шуисько, кырӟан кыӵе ке, шулдыр мед луоз. Со мыным номыр пумит ӧз вазьы но мынь гинэ потӥз. Ӝыны ар ортчыса-а, мар-а, дорам лыктӥз но, Юля, шуэ, мон кырӟан гожтӥ тыныд
Юлия Третьякова, кырӟась

Кырӟан гожтыны ачиз ик куриз вал ке но, малпанэз быдэсмонлы туж паймем. Но, кырӟанлэсь пуштроссэ лыдӟыса, солы уггес тупа кадь шуыса шӧдэм.

Нош али репетициос ортчытъяськом, дасяськиськом но вживаться кариськисько ни-а, мар-а мон. Мынам кадь шуисько ини
Юлия Третьякова, кырӟась

«Элькуновидение» вормон понна уг мынӥськы, шуэ.

Адями шоры учкыны, асме возьматыны
Юлия Третьякова, кырӟась

Кырӟаны-эктыны быгатэм сяна, Юлия Третьякова спортэн эшъяське. Гужемзэ капчи атлетикаен выре, толалтэ куас вылэ султэ. Кузпалэныз ӵош кык пиналзэс будэто.

Тодэ вайытом, азьвыл Кияса но Пичи Пурга ёросъёсысь «Элькуновидение» пыриськись артистъёсын тодматӥм вал. 

Наши партнеры

Наверх
Вниз