Ижкар+2 °C
20 коньывуон 2019 Воскресенье
16+

Шаркан ёросысь «Инвожо» ансамбльлэн кивалтӥсез: «Элькуновидение» удмурт кырӟанлы туж бадӟым ӧс усьтэ»

  • 545
  • 0
Шаркан / Удмуртия
Шаркан ёросысь «Инвожо» ансамбльлэн кивалтӥсез: «Элькуновидение» удмурт кырӟанлы туж бадӟым ӧс усьтэ»
Туспуктэм: vk.com (Шарканский РДК)

Шаркан ёросысь Зар-Вишур гуртысь «Инвожо» ансамбль «Элькуновидение-2019» вожвылъяськонэ дасяське. Со сярысь ивортодэтъя «Удмуртия» агентстволэн корреспондентэзлы «Инвожо» ансамбльлэн кивалтӥсез Ольга Широбокова вераз.

Михаил Широбоков, Александр Ардашев, Ольга Широбокова, Яна Широбокова, Екатерина Шкляева но Алина Сутягина кылбурчиен Владимир Котковен но крезьгурчиен Николай Несмеловен гожтэм «Вае эшъяськом» кырӟанэз быдэстозы.

Шаркан ёросысь коллектив учкисьёсызлы кемалась тодмо ини. Кылем арын соос 10 ар тырмонзэс но пусйизы. Солы луыса гурт клубазы пӧртэм аръёсы ансамбле пыриськисьёсты люказы но бадӟым концерт радъязы. Ольга Широбоковалэн кылъёсызъя, сцена вылэ оглом 12 адями люкаськиз.

Нырысь кутским вал ми ӟуч кырӟанъёс бордысен, али удмурт эстрада вылэгес выжим. <…> Ми асьме авторъёслэсь трос кырӟанъёс кырӟаськом. Милям гуртамы уго трос гожъяськисьёс. Владимир Васильевичлэсь (Котков – ред.) трос кырӟаськом кырӟанъёссэ
Ольга Широбокова, «Инвожо» ансамбльлэн кивалтӥсез

Ансамбль пӧртэм фестивальёсы пыриськылэ. Ольга Широбоковалэн верамезъя, тужгес бадӟымез, кытчы соос кык пол пыриськылӥзы ини – Сыктывкарын ортчись «Ыбица» фестиваль.

Тыршемзылэсь емышсэ ёросазы адӟо но пусъё. Кылсярысь, одӥг арзэ «Инвожо» ансамбль Шаркан ёрослэн Данъян пул вылаз пыртэмын вал

Учкисьёссы но концертъёссэс ӵыдытэк витё. «Элькуновидение» вожвылъяськонын гуртооссы понна висьыны мыныны зар-вишуръёс кык автобус куриллям ини.

Быдэс гурт калык ми понна сюлмаське ини. Туж зол ярато. Вот сыӵе зол отдача вань ке учкисьёслэсь, тодӥськод, тонэ соос витё шуыса, шумпотыса пумитало, туж бадӟым мылкыд сёто
Ольга Широбокова, «Инвожо» ансамбльлэн кивалтӥсез

«Элькуновидение» вожвылъяськонэ пыриськыны мылкыдзы кырӟасьёслэн кемалась кылдэм ини. Но арысь аре ёрос быръён люкетын вормисе потыны ӧз быгатылэ. Шаркан ёросын трос гинэ кырӟась коллективъёс, соин ик «Элькуновидение» мынӥсьёсты рос-прос быръё. Тани туэ «инвожоослы» шуд усиз.

«Элькуновидение» - со удмурт кырӟанлы, мыным потэ, туж бадӟым ӧс усьтэ. <…> Мыным но, коллективмылы но со туж яра, туж шумпотыса пыриськиськом ми со конкурсэ
Ольга Широбокова, «Инвожо» ансамбльлэн кивалтӥсез

Тодэ вайытом, КиясаысьПичи ПургаысьКезысь но Можгаысь коллективъёс но «Элькуновидение» пыриськыны дасясько. 

Наши партнеры

Наверх
Вниз