Ижкар+2 °C
20 коньывуон 2019 Воскресенье
16+

500 сюрс манет утӥзы удмурт гожъясьёслы Удмуртиын литературая лаборатори кылдытыны

  • 349
  • 0
Судак / Россия
500 сюрс манет утӥзы удмурт гожъясьёслы Удмуртиын литературая лаборатори кылдытыны
Туспуктэм: Лулчеберетъя кичӧлтонъёсты азинтонъя центрлэн пресс-службаез

5-тӥ коньывуонэ творчествоя «Таврида Лит» резиденцилэн грантъёсъя вожвылъяськонэзлы йылпумъянъёс лэсьтӥзы. Удмуртиысь Алина Крестьянинова вормисьёс пӧлы шедиз но 500 сюрс манет утӥз. Со сярысь Лулчеберетъя кичӧлтонъёсты азинтонъя центрлэн пресс-службаез ивортэ.

Нылаш литературая «Кебит» лабораториен тодматӥз, со 14-35 аресъем удмурт гожъясьёслы чакламын. Пыриськисьёс вить ӧръёсъя дышетскозы: чеберлыко берыктон, кылбурет, драма, проза но критика. Мастер-классъёсы Удмуртиысь, озьы ик федерал драматургъёсты, берыктӥсьёсты, кылбурчиосты, книга потӥсьёсты ӧтьылыны малпало.

Егит авторъёслэсь удмурт но ӟуч кылъёсын произведениосынызы бичет поттыны чакламын. Тиражлэсь ог люкетсэ элькунысь лыдӟиськонниослы но школаослы кузьмаломы. Бичетэз вӧлмытыны Удмуртиысь йӧскалык лыдӟетъюрт юрттоз
Алина Крестьянинова, «Таврида Лит» вожвылъяськонын вормись

Творчествоя «Таврида Лит» резиденцилэн грантъёсъя вожвылъяськоназ 13 ӵектосъёс вормизы. Соослы оглом 10 миллион манет висъязы

Лулчеберет но искусство удысын ужась егитъёслэн «Таврида 5.0» форумзы 15 ӧръёсты огазеяз но 11-тӥ куартолэзьысен 5-тӥ коньывуонозь ортчиз. Отчы быдэс Россиысь 5 сюрс пала егитъёс пыриськизы.

Тодэ вайытом, Удмуртиысь егитъёс пӧртэм сменаосысь вайизы: ньыль грант 1 миллион 650 сюрс манет тыр, кык – 1 миллион манет тыр, одӥг 100 сюрс манет тыр. 

Наши партнеры

Наверх
Вниз