Ижкар+2 °C
20 коньывуон 2019 Воскресенье
16+

Вуоно хирург кырӟалоз Ижкарысь Индустри ёрос понна «Элькуновидениын»

  • 412
  • 0
Ижкар / Удмуртия
Вуоно хирург кырӟалоз Ижкарысь Индустри ёрос понна «Элькуновидениын»
Туспуктэм: vk.com (Элькуновидение)

Ижкарысь Индустри ёрослэсь данзэ «Элькуновидение-2019» вожвылъяськонын Виталий Белков утёз. Кырӟасен но вуоно эмчиен ивортодэтъя «Удмуртия» агентстволэн корреспондентэз тодматскиз.

Кизнер ёросысь Вуж Бӧдья гуртын вордӥськем 21 аресъем Виталий Белков али Ижкарысь кун эм академиын витетӥ курсын эмчилы дышетске, нош бӧрысь дышетсконзэ хирургия ӧръя азинтоз шуыса пусъе.

Кырӟанэн пияш пичи дырысеныз тунсыкъяське ини.

Дорын ваньмыз кырӟало но, мыным но пыриз, видимо
Виталий Белков, «Элькуновидение-2019» вожвылъяськонэ пыриськись

Виталий Белковлэн верамезъя, кырӟаны нимаз дышетскемез солэн ӧвӧл, ас вакытаз крезьгуръя школаын фортепиано классъя тодон-валан люказ. Нош али эм академиысь театр студие ветлэ, отын ик кырӟаны но дышетске.

«Элькуновидение» вожвылъяськонэ Виталий нырысьсэ пыриське. Сцена вылын быдэстоно «Мон тонэ малпай» кырӟанэзлы кылъёссэ но, крезьгурзэ но ачиз гожтӥз.

Сое «Шундыкарын» гожтӥ вал кадь мон, кулэ вал кырӟан гожтыны, мон гожтӥ
Виталий Белков, «Элькуновидение-2019» вожвылъяськонэ пыриськись

«Элькуновидение» кырӟась капчи мылкыдын вамыштӥсько шуэ, калыклы кельшоз шуыса оске.

Вормыны тунсыко, но ӧйтӧд, адӟом, ворми ке, туж усто, конечно
Виталий Белков, «Элькуновидение-2019» вожвылъяськонэ пыриськись

Та вожвылъяськон шаермылы туж кулэ шуыса пусъе.

Выль кырӟанъёс пото ук, кудъёсыз кытысь ке ёросъёсысь пыдлось. «Элькуновидение» ӧз ке луысал, со кырӟанъёсты, оло, ӧй но кылысалмы
Виталий Белков, «Элькуновидение-2019» вожвылъяськонэ пыриськись

Тодэ вайытом, КиясаПичи ПургаКезМожгаШаркан но Балезино ёросъёсысь кырӟасьёс но «Элькуновидение» вожвылъяськонэ пыриськыны дасясько.   

«Элькуновидение - 2019» вожвылъяськонэ 15 ёросъёслэн ыстэм муртъёссы пыриськозы. Концерт люкетэз 19-тӥ коньывуонэ Ижкарысь «Аксион» культура дворецын ортчоз, йылпумъян люкетэз - 2-тӥ шуркынмонэ «Удмуртия» телеканаллэн меӵак эфираз

Наши партнеры

Наверх
Вниз