Ижкар+2 °C
20 коньывуон 2019 Воскресенье
16+

Лулчеберет удысысь ветеранъёслэн элькун праздниксы ортчиз Можгаын

  • 266
  • 0
Можга / Удмуртия
Лулчеберет удысысь ветеранъёслэн элькун праздниксы ортчиз Можгаын
Туспуктэм: Удмуртиысь лулчеберетъя министерстволэн пресс-службаез

7-тӥ коньывуонэ Можгаын лулчеберет удысын ужасьёслэн «Мон улонме лулчеберетлы сӥзи» элькун праздниксы ортчиз. Со сярысь Удмуртиысь лулчеберетъя министерстволэн пресс-службаез ивортэ.

Праздник «Огъя Россия» партилэн «Культура малой Родины» федерал ӵектосэзъя выльдэм «Дубитель» культура дворецын ортчиз. 

Таяз арын отын витражъёсты, укноосты но ӧсъёсты воштӥзы, фойезэ выльдӥзы. Ужъёсты быдэстыны оглом 1 миллион 600 сюрс манет быдтӥзы, со пӧлысь 1 миллион 200 сюрс манетлэсь уноез - федерал коньдэтысь
Удмуртиысь лулчеберетъя министерстволэн пресс-службаез

Ветеранъёслэн праздниксы зэмос профессионалъёсты, ас ужысьтызы усточиосты, кужмо сямо но вазиськись сюлэмо адямиосты огазеяз. Озьы ик ужрадэ Удмуртиысь лулчеберетъя министр, партилэн федерал ӵектосэзлэн элькунын координаторез Владимир Соловьёв, Можга карлэн тӧроез Михаил Трофимов пыриськизы.

Люкаськемъёслы шулдыр мылкыд кузьмазы «Триада» театр-студия, «Бутьмар» ансамбль, искусствоосъя нылпи школаысь творчествоя коллективъёс но мукетъёсыз.

Можгаысь лулчеберет удысысь ужасьёс 2020-тӥ арын вуоно праздникез ортчытыны эстафетаез Воткалы сётӥзы.

Наши партнеры

Наверх
Вниз