Ижкар+2 °C
27 -тӥ коньывуон 2020 Пуксён
18+

Геннадий Корепанов-Камскийлы сӥзем ужрадъёс ортчозы Ижкарын 18-тӥ коньывуонэ

  • 307
  • 0
Ижкар / Удмуртия
Геннадий Корепанов-Камскийлы сӥзем ужрадъёс ортчозы Ижкарын 18-тӥ коньывуонэ
Туспуктэм: gasur.ru

18-тӥ коньывуонэ Ижкарын Удмуртиысь дано крезьгурчилы Геннадий Корепанов-Камскийлы 90 ар тырмонлы сӥзем ужрадъёс ортчозы. Со сярысь элькунысьтымы печатья но калыке ивортодэт вӧлмытонъя агентстволэн пресс-службаез ивортэ.

13 часын Пушкинской урамысь 182 номеро юрт вылын крезьгурчилы буре ваён пул усьтозы. Со юртын Геннадий Корепанов-Камский 1991-тӥ арысен 2000-тӥ арозь улӥз.

15 часын Удмурт кун филармониын крезьгурчилэн творчествоезлы сӥзем научно-практической конференци ортчоз.

18 часын отын ик сӥё-дано ужрад кутскоз. Отчы Удмуртиысь кун симфонической оркестр, Анатолий Мамонтов нимо кырӟанъя но эктонъя «Италмас» ансамбль, Дэбес ёросысь творчествоя коллективъёс пыриськозы. Со ужрадын ик Удмуртиысь кивалтэтлэн Геннадий Корепанов-Камский нимо премиосыныз но «Наследники» премиосын пусъёзы.

Пусъём, 4-тӥ коньывуонэ Крезьгуръя элькун колледж борды буре ваён пул шуккизы вал. 1970-1985 аръёсы крезьгурчи Ижкарысь крезьгуръя училищеын теорияя дисциплинаосты но вокалъя занятиосты нуиз, со сяна 1971-1976 аръёсы кивалтӥсь луыса тыршиз.

Тодэ вайытом, гудырикошконэ Дэбес ёросын крезьгурчилы сӥзем «Певец земли удмуртской» элькун фестиваль ортчиз. Нош Ижкарын сое 6-тӥ куарусёнэ буре вайизы



Наверх
Вниз