100 лет государственности Удмуртии
Ижкар+10 °C
25 -тӥ куартолэзь 2020 Вордӥськон
16+

Сидоров кибашлыослэн адӟытонзы усьтӥськоз Удмуртиысь «Лудорвай» музейын-заповедникын

  • 355
  • 0
Лудорвай / Удмуртия
Сидоров кибашлыослэн адӟытонзы усьтӥськоз Удмуртиысь «Лудорвай» музейын-заповедникын
Туспуктэм: ludorvay.ru

30-тӥ коньывуонэ 14 часын «Лудорвай» музей-заповедникын Ува ёросысь Бызара (Узей-Тукля) гуртысь Сидоровъёслэн семьязылэн «Вапум гердъёс» адӟытонзы усьтӥськоз. Со сярысь музейлэн пресс-службаез ивортэ.

Сидоровъёслэн семьязы пужыё куиськон, пуэз вӧлон но суредаськон бордын тырше. Та киужъёс семьяын юнме ӧз кылдэ: вашкала ӵыжы-выжыоссы но творчествоен вырись адямиос вылӥллям.

Адӟытонлэн инъетэз Геннадий Сидоровен лэсьтэм арбериос луозы: гыркъям креслоос, пулэсь синпелетъёс но мукетыз

Геннадий Сидоров - Удмуртиысь тодмо кибашлы. Со Россиысь суредасьёслэн огазеяськонзылэн ёзчиез, Удмуртиысь калык суредась, лулчеберет удысысь дано ужась, Удмуртилэн кун премиезлэн лауреатэз, кивалтэтлэн «Признание» премиезлэн лауреатэз но Ува ёрослэн дано адямиез луэ.

Адӟытонын нимысьтыз инты Тӧро пукон басьтоз. Ӵапак со котырын Тукля воршудлэн историеныз тодматозы. Мифологиен герӟаськем бадӟым но пичи синпелетъёс пыр учкисьёс суредасьлэн синмыныз калыксылэсь историзэ тодозы. Со сяна, адӟытонын Удмуртиысь лулчеберет удысысь дано ужасен, кивалтэтлэн «Признание» премиезлэн лауреатэныз Надежда Сидороваен но кибашлыослэн нылынызы Россиысь суредасьёслэн огазеяськонзылэн ёзчиеныз Екатерина Сунцоваен куэм коверъёс, ӵушконъёс, шарфъёс, йӧскалык шӧмо дӥсьёс возьматозы.

Адӟытонлэн валтӥсь малпанэз – калык киуж дорысен ӧнерлыко киужен вырон дорозь будон пыр нылпиослэсь но анай-атайёссылэсь герӟетсэс возьматон

Адӟытон Волостной правленилэн юртаз 30-тӥ коньывуонысен 8-тӥ толсурозь ужалоз. 



Наверх
Вниз