Ижкар+22 °C
11 -тӥ пӧсьтолэзь 2020 Кӧснунал
16+

Удмурт кырӟанъёслы сӥзем выль огин кылдӥз «ВКонтакте» мерлыко вотэсын

  • 1024
  • 0
Ижкар / Удмуртия
Удмурт кырӟанъёслы сӥзем выль огин кылдӥз «ВКонтакте» мерлыко вотэсын
Туспуктэм: vk.com (Гриша Григорьев)

«ВКонтакте» мерлыко вотэсын удмурт кырӟанъёсты гитараен шудыны аккордъёсты вӧлмытон понна «Удмурт кырӟанъёс, аккордъёсын песенник» выль огин кылдӥз. Со сярысь ивортодэтъя «Удмуртия» агентстволэн корреспондентэзлы программист, огинэз кылдытӥсь Григорий Григорьев вераз.

Мынам аслам кемалась потэ ни вал сыӵе кытын ке песенник порма яке огин порма мед луоз шуыса, малы ке шуоно мон ачим но гитараен шудӥсько, но удмурт кырӟанъёсты шудыны уг быгатӥськы, уг тодӥськы
Григорий Григорьев, огинэз кылдытӥсь

Огинэ котькуд мылкыд карись кырӟанъёс ватсаны быгатэ. Отчы сяна, Григорий Григорьевлэн тыршеменыз ик удмурт кырӟанъёсты «Песни под гитару» ватсэтэ но будэтыны луэ.

Со приложенилэн кылдытӥсез ӟуч. Мон солы гожтӥ, со удмурт кылэз но мед пыртоз шуыса. Отын вань трос кылъёсын кырӟанъёс ини, нош удмуртэз ӧй вал на. <…> Табере со приложение удмурт кырӟанъёс пыртылыны луэ аккордъёсын
Григорий Григорьев, огинэз кылдытӥсь

Туннэ нуналлы «Удмурт кырӟанъёс, аккордъёсын песенник» огинын 11 кырӟан поттэмын ини. Соос пӧлын Анастасия Ивановалэн, Елизавета Корневалэн, «Амисовотлэн» (Amiso Wott), Богдан Анфиногеновлэн кырӟанъёссы.

Мынам потэ вал кыӵе ке но вуж кырӟанъёсты но ватсаме, Ганьковлэсь, Уткиналэсь, малы ке шуоно соос ӧвӧл нокытын но. Текстъёс вань, дыр, но аккордъёс ӧвӧл нокытын но. Озьы ик выль кырӟанъёсты но ватсам потэ
Григорий Григорьев, огинэз кылдытӥсь

Григорий Григорьевлэн кылъёсызъя, матысь дыре огинэ «ПисПу» группалэсь кырӟанзэ поттоз. Со аккордъёсын но кылъёсын сяна, видеоен но луоз ини.



Наверх
Вниз