100 лет государственности Удмуртии
Ижкар+3 °C
30 -тӥ южтолэзь 2020 Вордӥськон
16+

Глаз ёросысь Адам гуртысь клубез выльдӥзы Удмуртиын

  • 232
  • 0
Адам / Удмуртия
Глаз ёросысь Адам гуртысь клубез выльдӥзы Удмуртиын
Туспуктэм: vl.com (Центр культуры и туризма Глазовского района)

7-тӥ шуркынмонэ Глаз ёросысь Адам гуртысь выльдэм лулчеберет юртэз сӥё-дано усьтӥзы. Со сярысь ивортодэтъя «Удмуртия» агентстволэн корреспондентэзлы «Глаз ёрос» муниципал кылдытэтлэн администрациысьтыз лулчеберетъя но егитъёсын ужан политикая ёзэтлэн кивалтӥсез Евгений Баженов вераз.

15 ар талэсь азьло Адам гуртысь клублэн юртэз гурт возёслы вузамын вылэм но та дырозь ужтэк сылэм. Клубез тупатъяны куронэн Удмуртилэн тӧроезлы Александр Бречаловлы Адам гуртын улӥсь егит семьяос вазиськиллям.

Гуртын 1 сюрс – 1 сюрс 200 пала адями улэ. Соос вазиськон келязы, клубзы ӧвӧл шуыса. Нош клубзы 80 квадрат метрын интыяськиз. Озьы Александр Бречаловлэн косэмезъя, экспертъёс юртлы дунъет сётӥзы
Евгений Баженов, «Глаз ёрос» муниципал кылдытэтлэн администрациысьтыз лулчеберетъя но егитъёсын ужан политикая ёзэтлэн кивалтӥсез

Удмуртилэн кивалтэтэз юртэз тупатъяны оглом 6 миллион манет висъяз.

Со коньдонэн юртэз тупатъязы, шуныт туалетъёс, сцена лэсьтӥзы, выль ужан арбериос басьтӥзы. Лулчеберет юртлэн залэз пӧртэм ужрадъёслы чакламын, со эктонъёс но, концертъёс но, конференциос но ортчытъяны яралоз.

Клуб лофт манер луэ. Учконо ке, туннэ нуналлы Удмуртиын, мон малпамъя, сыӵе клуб ӧвӧл. Со уй клубъёс выллем лофт амалэн лэсьтэмын вал. Малпасько, ми клубез лофт манерен шуыса ик утём
Евгений Баженов, «Глаз ёрос» муниципал кылдытэтлэн администрациысьтыз лулчеберетъя но егитъёсын ужан политикая ёзэтлэн кивалтӥсез

Лулчеберет юртэз сӥё-дано усьтон нуналэ 150 адямилы чаклам юртэз быдэсак тырмытӥзы.

Клубез туж кулэ каро. Сцена вылын 40-50 адями сылӥз (юртэз усьтон ужрадын – ред.) Адямиос, кудъёсыз клубтэк улӥзы, кудъёсызлэн репетиция ортчытыны но луонлыксы ӧй вал. Соос толэзь ӵоже программа дасязы. Программазэс туж шуныт пумитазы
Евгений Баженов, «Глаз ёрос» муниципал кылдытэтлэн администрациысьтыз лулчеберетъя но егитъёсын ужан политикая ёзэтлэн кивалтӥсез

Евгений Баженовлэн верамезъя, лулчеберет юртын трос гинэ клуб огазеяськонъёссы, творчествоя коллективъёссы ужало, кудъёсыз дасесь тыршыны, сцена вылын асьсэзыс возьматыны.

Азьланяз лулчеберет юртын ёрос ужрадъёсты но, Адам гурт дорын интыяськем историяя но лулчеберетъя «ДондыДор» парклэсь ужрадъёссэ но ортчытъяны быгатозы. 



Наверх
Вниз