Ижкар-10 °C
27 -тӥ толшор 2020 Вордӥськон
16+

Кык дипломен пусйизы «Удмуртия» книгапоттоннилэсь ужъёссэ Туркменистанын калыккуспо ярмаркаын

  • 686
  • 0
Ижкар / Удмуртия
Кык дипломен пусйизы «Удмуртия» книгапоттоннилэсь ужъёссэ Туркменистанын калыккуспо ярмаркаын
Туспуктэм: Майя Бывальцева

«Удмуртия» книгапоттоннилэсь кык книгазэ Туркменистанлэн азьмуртэзлэн дипломъёсыныз пусйизы. Данъетъёсты 5-6 шуркынмонэ Туркменистанысь Ашхабад карын «Книга – путь сотрудничества и прогресса» XIII калыккуспо книга адӟытон-вузкарон но тодосъя конференци улсын ортчем вожвылъяськонын сётӥзы. Со сярысь ивортодэтъя «Удмуртия» агентстволэн корреспондентэзлы издательствоысь валтӥсь редактор Георгий Грязев вераз.

Адӟытон-вузкарон но конференци 16 кунъёсысь издательствоосты люказ. Георгий Грязевлэн верамезъя, соос пӧлын Австриысь, Азербайджанысь, Китайысь, Пакистанысь, США-ысь, Турциысь, Франциысь, Россиысь 30 пала но Туркменистанысь 58 книгапоттонниос вал.

Ми нырысьсэ пыриськимы тӥнь та конкурсэ, ум тодӥське вал кыӵе зэмос куронъёсыз. Ми нуимы сыӵе книгаосмес, кудъёсыз возьмато асьме республикамылэсь чеберлыксэ, асьме республикамылэсь узырлыксэ, калыкез
Георгий Грязев, «Удмуртия» книгапоттонниысь валтӥсь редактор

Ужрадын «Удмуртия» книгапоттоннилэсь «Удмурты: тайна тамги» но «Музей-заповедник «Лудорвай» книгаоссэ пусйизы.

Нырысьсэ мыныса, милям гинэ издательствомы вань со странаос пӧлысь, со издательствоос пӧлысь, басьтӥз кык президентской диплом. Со туж бадӟым данъет. Со самой бадӟым данъет, кудӥз луэ отын, Туркменистанын. Со та международной книжной выставка-ярмаркаын гинэ сётӥське. <…> Ми, конечно, ноку но ӧм малпалэ, что именно мусульман странаын быгатом кельшытыны асьме республикамес, асьме калыкмылэсь узырлыксэ, чеберлыксэ. И со милемлы, конечно, туж дан сыӵе
Георгий Грязев, «Удмуртия» книгапоттонниысь валтӥсь редактор

Георгий Грязев
Юрий Кузнецов но Георгий Грязев Ашхабадын калыккуспо адӟытон-вузкаронын udgiz.ru

Георгий Грязевлэн кылъёсызъя, дунъясьёс «Удмурты: тайна тамги» книгалэсь калыклы лыдӟымон, валамон луэмзэ пусйизы. Вунэм темаез, кыӵе луэ тамга, усьтыны, аспӧртэмлыксэ возьматыны быгатӥды шуизы. Нош «Музей-заповедник «Лудорвай» книгаез - калыкъёслэн эшласькемзы сярысь, калыкъёсын ӵош улыны быгатэмзы сярысь туспуктэмъёсын, суредъёсын возьматэм понна. 

Быгатӥськоды, пе, сётыны калыклы, лыдӟисьлы озьы, что солэн мылкыдыз луэ не только книгаез гинэ учкыны, а республикае лыктыны, калыкен тодматскыны. Сойзэ пусйизы. Озьы веразы милемлы
Георгий Грязев, «Удмуртия» книгапоттонниысь валтӥсь редактор

Книгаос понна Туркменистанлэн азьмуртэзлэсь дипломъёс туж аспӧртэмлыко луо. Георгий Грязевлэн верамезъя, Россиын сыӵеоссэ шер гинэ сётъяло.

Со диплом туж аспӧртэмлыко. Со куэн золтэм коробка пушкын. Со медь вылэ гравировать карем диплом. <…> И отын бадӟым-бадӟым фотографиез президентсылэн Гурбангулы Бердымухаммедовлэн
Георгий Грязев, «Удмуртия» книгапоттонниысь валтӥсь редактор

Валтӥсь редакторлэн кылъёсызъя, ярмаркаын соослэн книгаосынызы стенд доры шумпотыса вуылӥзы. Книгаос вылысь Пётр Чайковскиез, Михаил Калашниковез адӟыса, трос юалляськизы.

Паймо, малы, пе, Чайковский татын. Чайковский сярысь книга нуим вал бере. Соослы шуиськом: Чайковский ми дорын вордӥськиз, тямыс арзэ ми дорын со улӥз. О! паймо. Валэктӥськом Калашников сярысь. Книгамы вань милям Калашниковен. Вот солы, шуиськом, 100 ар туэ тырме. Шуиськом, Ижевскын со улӥз, татын со тодмо автоматсэ лэсьтӥз
Георгий Грязев, «Удмуртия» книгапоттонниысь валтӥсь редактор

«Удмуртия» книгапоттонни та ужрадын финн-угор калыкъёсты одӥг гинэ возьматӥсь луиз. Соин туркменъёс лулчеберетэнымы но туж тунсыкъяськизы.

Туркмения, тодӥськоды, со тюрк республика. Соослы туж тунсыко потӥз ӵошатыны, кыӵе асьмелэн дӥськутъёсмы удмуртъёслэн, кыӵе асьмелэн сямъёсмы кылемын на, вераськиськом-а ми удмурт сямен. Ми, шуиськом, кыкнамы но вераськиськом. Ми директорен, Юрий Васильевич Кузнецовен ӵош отчы ветлӥм. И возьматӥськом дӥськутъёсмес но асьмелэсь. Туж сӥлы каризы милемыз
Георгий Грязев, «Удмуртия» книгапоттонниысь валтӥсь редактор

Тодэ вайытом, «Удмуртия» книгапоттонни кемалась ик ӧвӧл 100 ар тырмонзэ пусйиз.

Наши партнеры

Наверх
Вниз