Ижкар+10 °C
19 -тӥ куарусён 2020 Кӧснунал
18+

Нырысетӥзэ модельной лыдӟетъюртэз усьтозы Ижкарын 20-тӥ шуркынмонэ

  • 639
  • 0
Ижкар / Удмуртия
Нырысетӥзэ модельной лыдӟетъюртэз усьтозы Ижкарын 20-тӥ шуркынмонэ
Туспуктэм: Удмуртиысь тӧролэн но кивалтэтлэн пресс-службазы

20-тӥ шуркынмонэ Ижкарын нырысетӥзэ модельной библиотекаез усьтозы. Иосиф Наговицын нимо лыдӟетъюрт пӧртэм ӧръёсъя ужась туала лулчеберетъя вӧлмет (пространство) луоз. Со сярысь Удмуртиысь тӧролэн но кивалтэтлэн пресс-службазы ивортэ.

Ижкарысь нырысетӥяз мобильной библиотекаын сизьым вӧлметъёс кылдытэмын: «Малышариум» но медиастудия, «Вуоноезлэн висъетэз» (ивортодэт технологиосъя зал), бадӟымъёслы но пиналъёслы «Тынад будон интыез» но «Лыдӟиськон дыр» абонементъёс, пичи сценаен вӧлмет, кунокуа вӧлмет. Библиотекаез туала тӥрлыкен тырмытӥзы: виртуальной дуннеен шлемъёс, проекторъёс, аудиосистема, ноутбукъёс но вайфай.

Озьы ик лыдӟиськонниын тазалыксыя ичи луонлыкъёсын адямиос понна ваньмыз тупатэмын.

Россилэн азьмуртэныз Владимир Путинэн кичӧлтэм «Культура» йӧскалык ӵектос улсын 2019-2024 аръёсы быдэс кунын 660 модельной лыдӟиськонниос кылдытозы. Туэ вожвылъяськонэ 58 улосвылъёсысь 385 куриськонъёс вуизы. Вормисьёс пӧлы 38 улосвылъёсысь 110 лыдӟетъюртъёс шедизы

Удмуртиын со лыдметэ Ижкарысь Иосиф Наговицын нимо лыдӟиськонни пыриз. Грантлэн быдӟалаез 5 миллион манет. Элькун коньдэт 300 сюрс манет ватсаз, Ижкар – 609 сюрс манет. Коньдонэз вӧлметэз выльдыны, книгаос, мебель но тӥрлык басьтыны, ужасьёслэн тодон-валанъёссэс будэтыны кутӥзы. «Большой ремонт» ӵектос улсын ватсаса 966 сюрс манет висъязы лыдӟиськоннилэсь юртсэ тупатъяны.

Лулчеберетъя но искусствоя кенешлэн пумиськоназ Владимир Путин лулчеберет удысъя йӧскалык ӵектослэн одӥгез ужпумез библиотекаослэсь фондъёссэс ӝоггес выльдон, кунысь пичи каръёсын но каргуртъёсын лулчеберет улонлэсь ӟечлыксэ но пӧртэмлыксэ будэтон луэ шуыса вераз. Иосиф Наговицын нимо выльдэм лыдӟиськонни калыклы выль юрттӥськетъёс ӵектоз, трос выль книгаос карын улӥсьёсты кыскозы. Та ужез ми одно ик азьланьтом
Александр Бречалов, Удмуртилэн тӧроез

Тодэ вайытом, туэ инвожое Удмуртиын нырысетӥзэ библиокафеез усьтӥзы.



Наверх
Вниз