Ижкар+22 °C
11 -тӥ пӧсьтолэзь 2020 Кӧснунал
16+

Ужрад туризмъя йӧскалык премиын вить данъетъёс басьтӥз Удмуртия

  • 620
  • 0
Самара / Россия
Ужрад туризмъя йӧскалык премиын вить данъетъёс басьтӥз Удмуртия
Туспуктэм: vk.com (Юлия Железняк)

15-17 шуркынмонэ Самараын ужрад туризмъя Russian Event Awаrds 2019 йӧскалык премилэн йылпумъян люкетаз Удмуртилэн командаез вить вормонъёс басьтӥз. Со сярысь «ВКонтакте» мерлыко вотэсысь бамаз Удмуртиысь экономикая министерствоысь туризмез но туристъёсын ужанэз азинтонъя управлениен кивалтӥсь Юлия Железняк ивортӥз.

Премилэсь Гран-призэ «Выжыкылысь геройёс Тол Бабайлэн шаераз» фестиваль басьтӥз. Кызьы пусъе Юлия Железняк, Удмуртиын ортчоно ужрад понна туала туризмлэн историяз та нырысетӥез вылӥ ӧнерлыко дунъет луэ.

Вотка ёросын ортчись «Трактор биатлон» нырысетӥ инты басьтӥз.

Туризмез азинтонъя центрен кивалтӥсь соин туж тыро-пыдо тодматӥз! Со сяна, ужъюлтошъёсмес ӵектосэнызы Санкт-Петербурге IX Еврази ивент форуме (EFEA) ӧтизы
Юлия Железняк, Удмуртиысь экономикая министерствоысь туризмез но туристъёсын ужанэз азинтонъя управлениен кивалтӥсь

Кыкетӥ луиз Воткаын радъяськись «П. И. Чайковскийлэн дораз Выль ар шутэтскон» ӵектос.

Куинетӥ интыосты «От пельняня до Китая» сиён-юонъя фестиваль но «Табань fest» но Эктоника» фестиваль басьтӥзы.

Озьы ик нимысьтыз кузьымен Сарапулысь «Пряничное настроение» ӵектосэз пусйизы. Соосты туризмъя «Интурмаркет» калыккуспо адӟытонлэн ужъя программаяз пыриськыны ӧтизы.

Тодэ вайытом, Russian Event Awаrds 2019 йӧскалык премилэн финалаз Удмуртиысь 16 ӵектосъёс потӥзы вал. 


Наверх
Вниз