Ижкар+22 °C
11 -тӥ пӧсьтолэзь 2020 Кӧснунал
16+

Семён Виноградовлэсь «Дочери Тӧро» суредзэ «лулъязы» Ижкарын

  • 505
  • 0
Ижкар / Удмуртия
Семён Виноградовлэсь «Дочери Тӧро» суредзэ «лулъязы» Ижкарын
Туспуктэм: Анжелика Тихонова

27-тӥ шуркынмонэ Ижкарысь Суредаськон устолыкъя элькун музейын Удмурт кыллэн нуналэз но Ижкарын Пичи Пурга ёрослэн нуналъёсыз улсын Семён Виноградовлэн «Дочери Тӧро» суредэзъя интерактив радъязы. Ужрадэз ортчытыны малпанзы сярысь ивортодэтъя «Удмуртия» агентстволэн корреспондентэзлы пумиськонэз нуись, басмая реставратор, дизайнер, «Дэрем» студилэн кивалтӥсез Татьяна Москвина вераз.

Суредэз Пичи Пургаысь лыдӟетъюртын ужасьёс айшонъёсын ӝӧк сьӧры пуктыса «лулъязы», ужрадэ ачиз Семён Виноградов но пыриськиз. Озьы ик пурга айшонъёсты возьматӥзы, Татьяна Москвиналэн яратоно «Ӝуткам дэремме дӥсяса» кырӟанысьтыз сьӧд дэрем сярысь вераськизы. Пичи Пурга ёросысь Баграш-Бигра гуртысь шаертодосчи Владимир Ботников Бигра выжыысь шедьтэм пусъёс, озьы ик уксётӥрлык сярысь мадиз.

Татьяна Москвиналэн верамезъя, удмурт калыклэн дӥськутъёсызъя туж трос вераны луэ. Кылсярысь, айшонын суредам пусъёс возьмато, кыӵе бӧлякысь, выжыысь луэ нылмурт.

Мынам но вань айшонэ, мынам но вань сюлыке. Но сюлыке вань ӵужмемейлэсь. Одӥг пол озьы матысь улӥсь Некрас Катяпай шуонмы, со шуэ, ой, мон, пе, ӵужмемейдэ тодӥсько вал, кисьтонъёсы, пе, ми отчы пуксиськом вал гур вылэ но учкиськом, кыӵе, пе, со чебер кышноос айшонъёсын ӝӧк сьӧры пуксё вал. И мон со картинаез син азям пуктыса, малпасько, кыӵе меда вылэм со
Татьяна Москвина, калык дӥськутъя «Дэрем» студилэн кивалтӥсез

Семён Виноградовлэн суредысьтыз нылкышноос ӵапак та верамъя пуко кадь. Но, Татьяна Москвиналэн кылъёсызъя, суредысь кышноослэн гадь котыръёссы, айшонъёссы но сюлыкъёссы Алнаш палгес. Нош Пурга палан мукетгес нулло вал.

Мыным адямиос но вераны уг быгато, мырдэм музейысь мон шедьтӥ одӥг айшон, кытысь ке но коть адӟыны шуыса, кыӵе вал Пурга ёросын, нокин но вераны уг быгаты
Татьяна Москвина, калык дӥськутъя «Дэрем» студилэн кивалтӥсез

Пурга айшонэз улӟытон бордын ужакуз, ивор утчакуз, «Брангурт песянайёс» «Евровидение» вожвылъяськонлэн Россиын быръён люкетаз мынӥзы.

Отын соос кырӟазы Лизапайлэсь кырӟанзэ, али соос сое «Пучоко, пучоко» шуо, но со кутске «Дышеты вал монэ айшон лэсьтыны». <…> Значит, Лизапай тодэ, кызьы со лэсьтӥське вал
Татьяна Москвина, калык дӥськутъя «Дэрем» студилэн кивалтӥсез

Татьяна Москвиналы айшон Гожна гуртысь кышномурт лэсьтэм. Но туйлэсь интые картонлэсь. 

Тӥни озьы юалляськыса, мараса, милям сыӵе ужрадмы кылдӥз. Ми сое Пургалан возьматӥм вал ини. Картинаен ик, Семён Николаевич Виноградовен ик. Тӥни со ӝӧк сьӧры вить кышноосты пуктыса, тӥни озьы дӥсяськыса
Татьяна Москвина, калык дӥськутъя «Дэрем» студилэн кивалтӥсез

Тодэ вайытом, Удмурт кыллэсь нуналзэ Удмуртиын сяна, Россиысь мукет каръёсын но кунгож сьӧрын пусъё. Нош 19-тӥ шуркынмонэ Пичи Пурга ёрослэн Ижкарын нуналъёсыз Суредаськонъя музейын «Пурга – лымшор удмуртъёслэн кӧкызы» адӟытонэн усьтӥськизы



Наверх
Вниз