Ижкар-9 °C
24 -тӥ толшор 2020 Удмуртарня
16+

Удмурт выжыкылъёслы но элькунысь тодмо адямиослы сӥзем йӧ скульптураос кылдозы Ижкарын толшоре

  • 1261
  • 0
Ижкар / Удмуртия
Удмурт выжыкылъёслы но элькунысь тодмо адямиослы сӥзем йӧ скульптураос кылдозы Ижкарын толшоре
Туспуктэм: Алексей Арзамасцев

27-тӥ толшорысен 2-тӥ тулыспалозь Ижкарын «Удмурт йӧ» («Удмуртский лёд») фестиваль ортчоз. Иж тыметлэн ярдураз удмурт калык кылосысь геройёслы но элькунысь тодмо адямиослы сӥзем скульптураос кылдытозы. Со сярысь Удмуртилэн шоркарезлэн пресс-службаез ивортэ.

Вуись арын фестиваль Удмуртилэн кунлыкезлы 100 ар тырмонлы сӥземын луоз, темаез – «Удмуртский лёд – мечты полёт»

Ужрадэ пыриськисьёс удмурт калыклэн историе кылем ужрадъёсызлы, дауркылъёсызлы (легенда), мифъёсызлы но выжыкылъёсызлы, озьы ик Удмуртиысь тодмо кун но вӧсьлык ужасьёслы, кылбурчиослы но гожъясьёслы, суредасьёслы, крезьгурасьёслы, пусйымон интыослы, вузпӧрлы но инкуазьлы сӥзем скульптураос лэсьтозы.

Радъясьёслэн чакламзыя, фестиваль улсын 15 пала йӧ скульптураос кылдытозы, ӝуждалазы ӧжытсэ 3 метр луоз.

Фестивалез усьтон 28-тӥ толшоре ортчоз, 2-тӥ тулыспалозь скульпторъёс йӧ кабъёссэс кылдытон бордын тыршозы

Ужрадэ Россиысь но кунгож сьӧрысь 21 ареслэсь бадӟым скульпторъёс пыриськыны быгато. Куриськонъёсты 10-тӥ толсурозь возьмало. Куронъёсын Ижкар администрацилэн сайтаз тодматскыны луэ. 

Наши партнеры

Наверх
Вниз