Ижкар-1 °C
22 -тӥ тулыспал 2020 Кӧснунал
16+

Выль ар кызэз Ижкарын 9-тӥ толсуре пуктыны кутскозы

  • 220
  • 0
Ижкар / Удмуртия
Выль ар кызэз Ижкарын 9-тӥ толсуре пуктыны кутскозы
Туспуктэм: ИА «Удмуртия»

Ижкарысь валтӥсь Выль ар кызэз 9-тӥ толсуре пуктыны кутскозы. Солэн ӝуждалаез 20 метр луоз – азьвылэзлэсь кык метрлы ӝужытгес. Со сярысь журналистъёслы праздникез пусъёнлы сӥзем пресс-конференциын ивортӥзы.

Кызэз удмурт пужыослы укшась тылъёсын чеберъялозы

Выль ар кызэз чибориё тылъёсын 27-тӥ толсуре росси Дед Мороз но удмурт Тол Бабай ӝуатозы

Ижкарлэн тӧроез Олег Бекмеметьев верамъя, яркыт тылъёсын Шор площадьысь ваньмыз 92 писпуос пиштозы.

Озьы ик ньыль выль павильонъёс кылдозы. Соос туала луозы, соос Шор площадьысь огъя архитектуралы тупалозы
Олег Бекмеметьев, Ижкарлэн тӧроез

Карын улӥсьёс но куноос кема юмшамзы бере отын павильонъёсын шунтӥськыны быгатозы. Соосты 24-тӥ толсуре пуктыны кутскозы, нош 27-тӥ толсуре усьтозы ни.

Ижкарын 14-лэсь трос катокъёс кисьтозы. Тужгес бадӟымез Киров нимо паркын луоз. 

Тодэ вайытом, Тол Бабай дорын Шарканын Выль ар кызэз 7-тӥ толсуре ӝуатозы ни.

Наши партнеры

Наверх
Вниз