100 лет государственности Удмуртии
Ижкар+10 °C
25 -тӥ куартолэзь 2020 Вордӥськон
16+

Ужрад туризмъя 10 устоосыз улосвылъёс пӧлы пыриз Удмуртия

  • 344
  • 0
Ижкар / Удмуртия
Ужрад туризмъя 10 устоосыз улосвылъёс пӧлы пыриз Удмуртия
Туспуктэм: ИА «Удмуртия»

Ужрад туризмъя Russian Event Awards 2019 йӧскалык премилы йылпумъянъёсъя Удмуртия Россиысь 10 устоосыз улосвылъёс пӧлы пыриз. Со сярысь улосвыл тӧролэн но кивалтэтлэн пресс-службазы ивортэ.

Рейтингын премие пыриськись 72 улосвылъёс лыдэ басьтэмын. Удмуртия - сизьыметӥ интыын.

Ар ӵоже Удмуртия 23-тӥ интыысь сизьыметӥе ӝутскиз. Со быдэс элькунмылэн командаезлэн вормонэз. Россиын но мукет кунъёсын улӥсьёс улосвыламы радъяськись пӧртэм ужрадъёсын тунсыкъясько. Со Тол Бабай дорын пумиськонъёс но, тракторен биатлон, спорт ужрадъёс. Элькунэ туристъёсты кыскон понна эшшо умойгес ужаны мылкыдмы ӝутске
Юлия Железняк, Удмуртиысь экономикая министерстволэн туризмез азинтонъя управлениезлэн кивалтӥсез

Йӧскалык премие пыриськон понна 72 улосвылъёсысь 683 ӵектосъёс вуизы. Йылпумъян люкетаз 200-лэсь трос проектъёсын тодматӥзы. Рейтингез кылдытыку улосвылысь вуэм ӵектосъёслэсь лыдзэс, улосвыл вожвылъяськонын, премилэн финалаз ужъемышъёсты лыдэ басьтӥзы. 

Нырысетӥ интыын – Свердловск улосвыл, кыкетӥ – Татарстан, куинетӥ – Москва улосвыл. Собере мыно Нижний Новгород, Самара но Саратов улосвылъёс. 10 устоосыз пӧлы озьы ик шедизы Бурятия, Киров улосвыл но Алтай шаер.

Тодэ вайытом, ужрад туризмъя Russian Event Awards 2019 йӧскалык премилэн улосвыл финалаз Удмуртиысь 16 ӵектосъёс потӥзы, витез вормисьёс пӧлы шедизы. Нош «Туристический сувенир» огъяросси конкурслы йылпумъянъёсъя тужгес усто синпельёсты Удмуртиын лэсьто.



Наверх
Вниз