Ижкар-9 °C
24 -тӥ толшор 2020 Удмуртарня
16+

20-лэсь трос выль ӵектосъёс мытоз «Чеберай» марафон вуоно арын Удмуртиын

  • 720
  • 0
Ижкар / Удмуртия
20-лэсь трос выль ӵектосъёс мытоз «Чеберай» марафон вуоно арын Удмуртиын
Туспуктэм: vk.com (ЧЕБЕРАЙ | Марафон женского творчества)

2020-тӥ арын Удмуртиын нылкышно творчествоя «Чеберай» марафон улсын 20-лэсь трос выль ӵектосъёс ужзэс мытозы. Со сярысь ӵектослэн «ВКонтакте» мерлыко вотэсысь огиназ ивортэмын.

Ужрадъёс нылкышноослы сяна, пичи нылашъёслы но сӥземын луозы но ваньмыз удмуртлыкен, чеберлыкен герӟаськозы

Удмурт нылкышноос понна таӵе ӵектосъёс радъялозы:

- дышетон курсъёс. Тулыспалэ куиськонъя, удмурт дэрем вуронъя, уксё тӥрлык лэсьтонъя но крезен шудонъя курсъёс ужзэс мытозы;

- чеберлыкъя но стилья «Чеберлык» школа. Нылкышноосты модали луыны, туспуктэмъёс лэсьтыны, лукъёс бичаны, подиум вылтӥ ветлыны дышетозы;

- «Чеберина» бадӟым концерт. Сцена вылын творчествозэс тужгес но яркытъёсыз, синмаськымонъёсыз удмурт чеберайёс возьматозы;

- дӥськут вурись дизайнеръёслы вожвылъяськон.

- пичи нылашъёслы «Чеберинка» йӧскалык вожвылъяськон. Сцена вылэ потэм сяна, нылъёс пӧртэм фотосессиосы пыриськозы, видеографъёсын ужалозы, модали луыса асьсэды эскерозы но йӧскалык творчествоя тодон-валан люкалозы.

Со сяна, вуоно арын йӧскалык модая «Даур» журнал потоз. Шуркынмонэ «Чеберай» вожвылъяськонлэн йылпумъянэз ортчоз. 

Тодэ вайытом, «Чеберай» марафонлэн ӵектосэз Азьмуртлэсь грантсэ утӥз. Та дыре вожвылъяськонлэн муниципал люкетъёсыз ортчо, туннэ нуналлы укмыс ёросъёсы вуылӥзы но 27 чебераез бырйизы ни. Со сяна, кемалась ик ӧвӧл ӵектос улсын «ИнстаЧеберай» марафон ортчиз.

Наши партнеры

Наверх
Вниз